අමෙරිකාව ලොව වටා සිදු කර ඇති මරණ සහ විනාශයන් ගැන මහාචාර්ය ජෝන් මියර්ශෙයිමර්ගෙන් අනාවරණයක්..

Apr 13, 2026 at 09:06 AM

|

Lanka Leader

ඇමරිකාවේ චිකාගෝ විශ්ව විද්‍යාලයේ දේශපාලන විද්‍යාව පිළිබද මහාචාර්ය ජෝන් මියර්ශෙයිමර් පවසන්නේ 1979 සිට 2021 දක්වා ඇමරිකානු සම්බාධක වල ප්‍රථිපල ලෙස ලෙස මිලියන 38 ක් මිනිසුන් මියගොස් ඇති බවයි. 

මහාචාර්ය ජෝන් මියර්ශෙයිමර් පවසන කතාව පහළින්..

"අපි මහා කුරිරු රටක්. අපි ලෝකය වටා  සිදු කරලා තියෙන මරණ සහ විනාශය ගත්තම එය අදහා ගත නොහැකියි. මම මෑතකදි කියෙව්වා  The Lancet නම් විද්‍යාත්මක සඟරාව විසින් කරපු අධ්‍යයනක් , ඒක 2025 නොවැම්බර් මාසේ පල කරලා තිබුනේ . මේකේ අධ්‍යයනය කරලා තියෙනවා 1979 සිට 2021 දක්වා ඇමරිකානු සම්බාධක වල ප්‍රථිපල ලෙස ඇතිවෙලා තියෙන තත්වයන් ගැන. අපි මිලියන 38 ක් මිනිස්සු මරලා තියෙනවා.. .ඔව්.. මිනිස්සු මිලියන 38ක් ! 

මැද පෙරදිග විතරක් අපි කරලා තියෙන මහා විනාශය පුදුමාකාරයි.! ඉරාක යුද්ධයේ ප්‍රථිපල වලින්, වෙනුසියුලාව, කියුබාව සහ ඉරානය වගේ රටවලට අපි කරලා තියෙන දේවල්....!

ඔයාලට තේරෙනවාද අපි අපිට ලැබිලා තියෙන අතිවිශාල ආර්ථික අයුතු ලාභය  (Leverage , මහාචාර්යවරයා මෙහිදී අදහස් කරන්නේ Petro Dollar ක්‍රමය සහ ඩොලරයේ බැංකු ආධිපත්‍ය  නිසා ලැබුණ බලය)   පාවිච්චි කරලා තියෙනවා  රටවල් වල සාමාන්‍ය  මහජනයාව බඩගින්නේ තියලා  මරන්න,  විඳවන්න දෙන්න ..

අපි සාමාන්‍ය ජනතාවට බරපතල දඬුවම් දීල තියෙනවා ඔවුන්ව ඔවුන්ගේ රටවල් වල ආණ්ඩු වලට විරුද්ධව සටන් කිරීමට පොළඹවන්න.. ඔබට තේරෙනවාද අපි මේක තමයි වෙනිසුවේලාවේ කරේ... අපි මේක තමයි ඉරානයේ කරන්නේ...අපි මේ සමාන්‍ය මහජනයාට මහා පීඩා කාරී දඬුවම් දෙනවා .එහෙම කරලා අපි ඒ මිනිස්සුන්ව ඒ ආණ්ඩු වලට විරුද්ධව ආයුධ ගන්න සලස්වනවා. 

මට හරිම අමාරුයි සඳහන් කරන්න ඇමරිකාව ගෞරවනීය රටක්  කියලා..මම හිතන්නෙ නෑ අපි විදේශ ප්‍රතිපත්ති පැත්තෙන් ගත්තොත් එහෙම හොඳ යහපත් රටක් කියලා."