විශ්ලේෂණය: යුද්ධයේ සෙවනැලි එලෙසම පවත්වා ගනිමින් අමෙරිකාව ඉදිරිපත් කරන දින 45ක සටන් විරාමයකට ඉරාන ස්ථාවරය තුළ කිසිදු ඉඩක් නොමැත

Apr 6, 2026 at 03:18 PM

|

Lanka Leader

යුද්ධයේ අඳුරු සෙවනැලි එසේම තිබියදී එක්සත් ජනපද-ඊශ්‍රායල මිලිටරි ආක්‍රමණයේ තාවකාලික සටන් විරාමයක් සාර්ථක කර ගැනීමට  ප්‍රහාර අවසන් කිරීම සඳහා ඉරානය ඉදිරිපත් කරන  අත්‍යවශ්‍ය කොන්දේසි සපුරා නොගෙන ක්‍රියාත්මක කිරීම මගින් සතුරාට නැවත ගොඩනැගීමට අවස්ථාවක් ලබා දෙන බව තස්නිම් පුවත් සේවයේ විශ්ලේෂකයෝ පැවසූහ.

ඇමරිකානු-ඊශ්‍රායල මාධ්‍ය ආයතනයක් වන ඇක්සියෝස් අද(06) වාර්තා කළේ,අමෙරිකා සහ ඊශ්‍රායල හමුදා ඉරානයට එරෙහිව දියත් කර ඇති වත්මන් යුද ගැටුම අවසන් කිරීම සඳහා සාකච්ඡා කරමින් සිටින  සමහර මැදිහත්කරුවන් දින 45ක තාවකාලික සටන් විරාමයක් ස්ථාපිත කිරීමට උත්සාහ කරමින් සිටින බවයි. මෙයින් අදහස් කරන්නේ එම තාවකාලික දින 45 සටන් විරාමය පිටුපස ඇත්ත වශයෙන්ම, යුද්ධයේ සෙවනැලි පවතින බව යැයි තස්නිම් පුවත් සේවයේ යුද විශ්ලේෂකයෝ පවසති.

මේ කාරණය සම්බන්ධයෙන් තවමත් නිල ප්‍රතිචාරයක් ලැබී නොමැති වුවද, ඇක්සියෝස් මාධ්‍ය ආයතනය යනු  එක්සත් ජනපදයේ, විශේෂයෙන් ඉරානය සම්බන්ධයෙන් මොසාඩ් හි මනෝවිද්‍යාත්මක මෙහෙයුම් වෙනුවෙන් කටයුතු කරන මාධ්‍ය ආයතනයක් ලෙස සාමාන්‍යයෙන් හැඳින්වෙන බවද තස්නිම් පුවත් සේවයේ යුද විශ්ලේෂකයෝ පෙන්වා දෙති.

ඇක්සියෝස් අද(06) පළ කළ ප්‍රවෘත්ති වාර්තාව සම්බන්ධයෙන් තස්නිම් පුවත් සේවයේ යුද විවරණ කණ්ඩායම කළ විශ්ලේෂණයක් පහත දැක්වේ:

"ඉරානයේ  විදුලි බලාගාර සහ අනෙකුත් යටිතල පහසුකම් ඉලක්ක කර එල්ල කරන මිසයිල ප්‍රහාර හෙවත් අමෙරිකාවේ ඕනෑම උමතු ක්‍රියාවකට ප්‍රතිචාර දැක්වීමේ තීරණාත්මක අධිෂ්ඨානය සම්බන්ධයෙන් හොඳින් දන්නා ට්‍රම්ප් තුන්වන වරටත් ඉරාන තර්ජනයෙන් ගැලවීයාමට මගක් සෙවීමේ  උත්සාහයක නිරතවන බව පෙනීයයි. මෙම ආකාරයේ පුවත් මැවීම ට්‍රම්ප් මුහුණ දෙන ගැටලුව පියමං කිරීම සඳහා සූදානම් වීම අරමුණු කර ගත හැකි වුවද සටන් විරාමයකට එකඟ වීම හුදෙක් අඩු සම්භාවිතාව්ක් පවතින ප්‍රපංචයක් පමණි.

යුද්ධයේ සෙවනැල්ල මත පවතින තාවකාලික සටන් විරාමවලට ​​එකඟ නොවන බව ඉරානය නැවත නැවතත් ප්‍රකාශ කර ඇත. උදාහරණයක් ලෙස, ඉරානය මෑතකදී පැය 48 ක සටන් විරාමයකට විරුද්ධ විය. මෙම විරුද්ධත්වයට හේතුව පැහැදිලිය. එනම් යුද්ධයේ පීඩනය යටතේ සහ ව්‍යාකූලත්වයට පත්ව සිටින ඇමරිකානු-සියොන්වාදී සතුරන්, පතොරම් අර්බුදයෙන් සහ උපායමාර්ගික පැටලීමෙන් බේරීමට සුපුරුදු සහ නිෂ්චිත අරමුණු රාමුවක් නොමැති සටන් විරාමවල අවස්ථාව ප්‍රයෝජනයට ගැනීමට අදහස් කරති.

ඒ අනුව ගැටුම අවසන් කිරීම සඳහා ඉරානයේ අවශ්‍ය කොන්දේසි සපුරා නොගෙන යුද්ධයේ සෙවනැල්ල යටතේ තාවකාලික සටන් විරාමයකට එළඹිම මගින් ඉරානයේ සතුරාට නැවත ශක්තිමත් වීමට ඉඩ සලසයි. එපමණක් නොව, මෙම සටන් විරාමය අතරතුර පවා ඔවුන් ඉරානයට එරෙහිව යුද්ධයේ බල පරාක්‍රමය පවත්වා ගැනීමට පෙළඹෙන අතර, එමඟින් මිලිටරි, ආර්ථික, දේශපාලනික සහ වෙනත් ක්ෂේත්‍රවල ඔවුන්ගේ ඉරාන විරෝධී අරමුණු වලින් ප්‍රතිලාභ ලබා ගැනීමට කටයුතු කරනු ලබයි.

ඉරාන නිලධාරීන් විසින් මේ දක්වා නැවත නැවතත් ප්‍රකාශ කර ඇති සටන් විරාමය සාක්ෂාත් කරගෙන යාමට අවශ්‍ය රාමු සලකා බැලීමේදී, වත්මන් යුද්ධය අවසන් කිරීම සඳහා ඉරානය ඉදිරිපත් කරන මූලධර්මය තුළ "යුද්ධයේ සෙවනැල්ල පවත්වා ගෙන යන තාවකාලික සටන් විරාමයකට" කිසිදු ඉඩ කඩක් ඉතිරිවී නොමැත.

ඉරානය නිවේදනය කර ඇත්තේ යුද්ධය අවසන් කළ හැක්කේ වෙනත් දේ අතර, ඇමරිකානු සහ සියොන්වාදී සතුරන්ගෙන් තවදුරටත් ආක්‍රමණයට එරෙහිව ස්ථිර සහතිකයක් මෙන්ම සාකච්ඡාවට  බඳුන් කිරීම පවා කළ නොහැකි කොන්දේසි කිහිපයක් යටතේ පමණක් බවයි.

එයට අමතරව, හෝමූස් සමුද්‍ර සන්ධිය පිළිබඳ නව තත්වයට අනුකූලව තත්වය ඉතාමත් පැහැදිලි ය. එනම් හෝමූස් සමුද්‍ර සන්ධිය කිසි විටෙකත් ඉරානයට එරෙහිව අමෙරිකා-ඊශ්‍රායල් යුද්ධය ඇරඹීමට පෙර පැවති තත්වයන්ට නැවත නොඑනු ඇත.