නෙතන්යාහුගේ සමාජ මාධ්‍ය ක්‍රියාකාරකම් වලින් ඔහු යහපත් සෞඛ්‍යයෙන් සිටින්නේද මියගොස්ද යන්න පිළිබඳව සැක මතුවන බව විශේෂඥයෝ පවසති

Mar 15, 2026 at 09:53 PM

|

Lanka Leader

ඊශ්‍රායල අගමැතිට සිදු වී ඇතැයි සැක කරන තුවාල හෝ ඔහු මරණයට පත්වී ඇතැයි පැවසෙන අදහස් සම්බන්ධයෙන් විවිධ හෙබ්‍රෙව් සහ ඉංග්‍රීසි මාධ්‍යයෙන් පලවන ජන මාධ්‍ය වල වැඩි වැඩියෙන් සාකච්ඡා වන මාතෘකාවක් බවට පත්ව තිබේ.

2025 ජුනි මාසයේදී ඉරානයට එරෙහි දින 12 යුද්ධය සහ 2026 පෙබරවාරි 28 වන දින ආරම්භ වූ වත්මන් ආක්‍රමණශීලී යුද්ධය අතරතුර නෙතන්යාහුගේ පුද්ගලික සමාජ වේදිකාවේපළ කිරීම් වල ප්‍රවණතාවය සංසන්දනය කරන විදවතුන්  අතර විවිධ සැක සංකා මතු ව තිබෙන බව තස්නිම් පුවත් සේවය පවසයි.

සමාජ මාධ්‍යවල නෙතන්යාහු විසින් තබන සටහන් වල වාර ගණන විශ්ලේෂණය කිරීමෙන් හෙළි වන්නේ සමහර හෙබ්‍රෙව් සහ ඉංග්‍රීසි භාෂාව කතා කරන ප්‍රජාවන් තුළ මතුවී ඇති ඔහුට විය හැකි තුවාල හෝ මරණය පිළිබඳ සාකච්ඡා උග්‍ර වෙමින් පවතින බවයි.

තස්නිම් ප්‍රවෘත්ති ඒජන්සියේ හෙබ්‍රෙව් වෙබ් අඩවි වාර්තාකරුවන්ට අනුව, 2025 ජුනි මාසයේදී සිදු වූ දින 12 යුද්ධය අතරතුර,නෙතන්යාහු ඔහුගේ සමාජ් මාධ්‍ය වේදිකාවේ  දිනපතා අවම වශයෙන් එක් සටහනක් හෝ සමහර අවස්ථාවල  පළ කිරීම් හයක් දක්වා පළ කර ඇත.

ඔවුන්ට අනුව, 2025 මාර්තු 13 වන දින ඔහු තුන් වතාවක් විවිධ සටහන් පළ කළේය; මාර්තු 14 වන දින, එක් වරක්; මාර්තු 15 වන දින, සිව් වතාවක්; සහ ජුනි 23 දක්වා ඉදිරි දිනවලදී, ඔහු පිළිවෙලින් සටහන් දෙකක්, එකක්, හතරක්, තුනක්, දෙකක්, දෙකක්, හයක් සහ හතරක් ලෙස සටහන් තබා තිබුණි.

සමස්තයක් වශයෙන්, 2025 දී දින 12 යුද්ධය අතරතුර නෙතන්යාහුගේ සටහන් බොහොමයක් ඔහු පෞද්ගලිකව නිකුත් කළ වීඩියෝ බව තස්නිම් වාර්තාකරු අවධාරණය කරයි.

ඊට පටහැනිව, ඉරානයට එරෙහිව වත්මන් ආක්‍රමණශීලී යුද්ධයේ ආරම්භයේ සිට, මේවන විට 2025 දින 12 යුද්ධයට වඩා දින හතරක් වැඩිපුර ගැටුම දිගු වුවද, ඔහුගේ පළ කිරීමේ ක්‍රියාකාරකම්වල සැලකිය යුතු වෙනස්කම් නිරීක්ෂණය වී ඇති බව තස්නිම් ප්‍රවෘත්ති ඒජන්සියේ හෙබ්‍රෙව් වෙබ් අඩවි වාර්තාකරුවෝ පවසති.

එම වෙනස්කම් ඔවුහු මෙලෙස පෙල ගස්වති,

1. මෙම යුද්ධයේදී නෙතන්යාහුගේ සමාජ මාධ්‍ය වේදිකාවේ මුළු සටහන් සංඛ්‍යාව පෙර ගැටුමට සාපේක්ෂව 50% කට වඩා අඩු වී ඇති අතර එය පෙර 32 සිට මේ වන විට 15 දක්වා පහත වැටී ඇත.

2. 2025 ජූනි මස පැවතුනු දින 12 යුද්ධයේදී, නෙතන්යාහු සෑම දිනකම අවම වශයෙන් එක් වරක්වත් තම සමාජ මාධ්‍ය වේදිකාවේ සටහන් පළ කළද මේ වන විට ඔහුගේ අවසාන සටහන ප්‍රකාශයට පත් කර දින තුනකට ආසන්න කාලයක් ගත වී ඇත. එපමණක් නොව, නවතම වීඩියෝව පවා කෘත්‍රීම බුද්ධියෙන් ජනනය කරන ලද ඒවා වන අතර එය සැබෑ නොවන බව කෘත්‍රීම බුද්ධිය සම්බන්ධ විශේෂඥයින් කිහිප දෙනෙකු අදහස් ඉදිරිපත් කර තිබේ.

3. 2025 ජූනි මාසයේ පැවැති දින 12 ගැටුමේදී මෙන් නොව, බෙන්ජමින් නෙතන්යාහු බොහෝ දුරට පුද්ගලික වීඩියෝ පළ කළ නමුත්, ඔහුගේ මෑත කාලීන සටහන් බොහෝ දුරට සටහන් වලට සීමා වී තිබේ. පළ කළ වීඩියෝ කිහිපයෙන් ඒවා පටිගත කළේ කවදාද යන්න පැහැදිලිව නොපෙන්වන අතර, ඒවා රූගත කළ තත්වය හෝ දිනය පිළිබඳ කිසිදු තොරතුරක් ලබා නොදේ.

නෙතන්යාහුගේ මරණය හෝ පැවැත්ම පිළිබඳ පුවත තවමත් නිල වශයෙන් තහවුරු කර හෝ ප්‍රතික්ෂේප කර නොමැති අතර, නිරීක්ෂණය කළ හැකි සලකුණු මත පදනම්ව මෙම අනුමාන නිර්මාණය වී ඇත.