බාල ගල් අගුරු ආනයනය කිරීමෙන් රටට රුපියල් බිලියන සිය ගණනක දැවැන්ත පාඩුවක් සිදු කිරීමට එරෙහිව ශ්‍රී ලංකා හරිත සන්ධානයෙන් අල්ලස් කොමිසමට පැමිණිල්ලක්

Jan 27, 2026 at 03:23 PM

|

Lanka Leader

රුපියල් කොටි 30200ක දුෂිත ගල් අගුරු ටෙන්ඩර්යක් ප්‍රදානය කිරීමත් එමගින් බාල ගල් අගුරු ආනයනය කිරීම නිසා රටට බිලියන සිය ගණනක දැවැන්ත පාඩුවක් සිදු කිරීමටත් එරෙහිව ශ්‍රී ලංකා හරිත සන්ධානයේ සභාපති සංඛ චන්දිම අභයවර්ධන මහතා පවසයි.

සිය මුහුණු පොතේ මේ පිළිබඳව සවිස්තරාත්මක සටහනක් තබමින් ඒ මහතා මෙසේද පවසයි,

රටම විකුණන ගල් අගුරු වංචාව පිලිබදව දෙවන වරටත් මා අල්ලස් හෝ දුෂණ කොමිසමට

රුපියල් කොටි 30200ක දුෂිත ගල් අගුරු ටෙන්ඩර්යක් ප්‍රදානය කිරීමත් එමගින් බාල ගල් අගුරු ආනයනය කිරීම නිසා රටට බිලියන සිය ගණනක දැවැන්ත පාඩුවක් සිදු කිරීමටත් එරෙහිව ශ්‍රී ලංකා හරිත සන්ධානයේ වෙනුවෙන් මා ඊයේ දිනයේ අල්ලස් හෝ දුෂණ කොමිසමට පැමිණිල්ලක් ඉදිරිපත් කලා. 

 Trident Chemphar නමැති සමාගමට ගල් අගුරු ටෙන්ඩරය සදහා ඉදිරිපත් වීමට අවම සුදුසුකම්වත් නොමැතිව ලංකා කොල් සමාගම සහ බලශක්ති හා විදුලි බල අමාත්‍යාංශයේ නිලධාරීන් විසින් එකී සුදුසුකම් ඉතාම වංචා සහගතව වෙනස් කර ටෙන්ඩරය ප්‍රදානය කර ඇති බව එහිදී පෙන්වා දුන්නා. එහිදී අනන්‍ය කරන ලද ගල් අගුරු පවා බලතත්වයෙන් යුක්ත නිසා දිනකට අතිවිශාල පරිසර හානියක් කරමින් අළු පරිසරයට මුදා හැරිම මෙන්ම දිනකට මෙගා වොට් 100ක ජනන ධාරිතාවක් රටට අහිම වන බවද පෙන්වා දුන්නා.  

පසුගිය වසරේ සැත්තැම්බර් මස ඔහු පැමිණිල්ලක් අල්ලස් හෝ දුෂණ කොමිසමට පැමිණිල්ලක් ඉදිරිපත් කලත් රජය ඒ දුෂිත ගනුදෙනුව ඉදිරියටම ගෙන ගිය බවද මෙහිදී කණගාටුවෙන් වුවද ප්‍රකාශ කල යුතුයි.

අවසානයේ සිදුවන්නේ ගල් අගුරු වංචාව මගින් අධිමිල හදිසි ඩිසල් විදුලිය මිලදි ගැනිම සදහා අමාත්‍යවරයා ක්‍රියා කිරීමයි. මේ බිලියන සිය ගණනක පාඩුව පිළිබද වගකියන්නේ කවුද? 

- සංඛ චන්දිම අභයවර්ධන