රටේ ස්ථාවර බව බිඳවැටුනේ කොහොම ද? - වෛද්‍ය වසන්ත බණ්ඩාර පැහැදිලි කරයි

Dec 6, 2023 at 11:12 AM

|

Lanka Leader

රාජ්‍යයේ ස්ථාවරත්වය බිඳවැටී ඇත්තේ ව්‍යවස්ථාදායකය, විධායකය හා අදිකරණය ප්‍රමුඛ පද්ධතිය මෙන්ම රටේ පොදු ජනතාවගේ ක්‍රියාකාරීත්වය ද දුර්වල වීම නිසා බවත්, එම තත්ත්වය තුළ අර්බුද රැසක් පැන නැගී ඇති බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

පොදු ජනතාව, සමාජ කණ්ඩායම් මෙන්ම ජනමාධ්‍ය පවා මෙම තත්ත්වය තුළ කඩාවැටී ඇති බවද, රාජ්‍ය ස්ථාවර කිරීමට නම් මෙම සමස්ත පද්ධතියම ස්ථාවර කළ යුතු බවද ඒ මහතා පවසයි.

වෛද්‍ය වසන්ත බණ්ඩාර මහතා මේ බව පැවසුවේ රූපවාහිනී සංවාදයකට එක් වෙමිනි.

රාජ්‍යක් ලෙස ඓතිහාසිකව ද ස්ථාවර පැවැත්මක් තිබූ රටක මෙම සමස්ත පද්ධතිය යළි ප්‍රතිනාර්මාණය කළ හැකි බව ද, අද රටේ ආර්ථිකය හා කර්මාන්ත පද්ධතිය බිඳවැටීමට විධායකය සෘජුවම වගකිව යුතු බවත් වසන්ත බණ්ඩාර මහතා පෙන්වා දෙයි.

නිදහසෙන් පසු 1946 දී විද්‍යාලංකාර ප්‍රකාශය නමින් අනගාරික ධර්මපාල මැතිතුමාගේ අභාවයෙන් පසු විද්වතුන් එක් වී යම් ක්‍රියාවලියක් ආරම්භ කළ බවත්, එම ක්‍රියාවලිය උච්ච ස්ථානයකට පත්වූයේ බණ්ඩාරනායක මහතාට බලයට පත්කිරීමෙන් බවත් ඒ මහතා පවසයි.

එහෙත් බෞද්ධ බලවේගවල නැගිටීම වැළැක්වීමට එදා සිටම අමෙරිකාව ප්‍රමුඛ බටහිර බලවේග බලපෑම් එල්ලකළ බවද වසන්ත බණ්ඩාර මහතා පවසයි.

රටේ අධ්‍යාපන පද්ධතිිය විනාශකර දැමීමට ඔවුන්ගේ මැදිහත් වීම බලපෑ බවද, 1977 දී ජේ.ආර්. ජයවර්ධන විසින් විශිෂ්ඨ රාජ්‍ය සේවයක් පැවති රටේ රාජ්‍ය සේවකයා කෑදර මිනිසෙකු බවට පත්කරමින් රාජ්‍ය සේවය ද විනාශ කළ බවද ඒ මහතා වැඩිදුරටත් සඳහන් කරයි.

සවිස්තරාත්මක වීඩියෝව නරඹන්න...