රුසියාවේ ආරක්ෂාව තහවුරු වන තෙක් යුක්‍රේනයේ ක්‍රියාත්මක යුද මෙහෙයුම් පවතිනවා - ශ්‍රී ලංකාවේ රුසියානු තානාපති කාර්යාලය

Dec 5, 2023 at 03:18 PM

|

Lanka Leader

අමෙරිකානු සහ බටහිර අධිරාජ්‍යවාදීන්ගේ මෙහෙයවීම යටතේ ක්‍රියාත්මක යුක්‍රේනයේ නව නාසිකරණ ක්‍රියාවලියට වසර දහයක් සම්පූර්ණ වීම අරබයා ශ්‍රී ලංකාවේ රුසියානු තානාපති කාර්යාලය මාධ්‍ය නිවේදනයක් නිකුත් කර තිබේ. 

එම නිවේදනයට අනුව යුක්‍රේනයේ නව නාසිකරණය, මිලටරිකරණය , රුසියානු ජනයාගේ ජීවත්වීමෙ අයිතිය සහ රුසියානු ෆෙඩරේශනයේ ආර්ක්ෂාව තහවුරු වන තෙක් දැනට ක්‍රියාත්මක මෙහෙයුම් දිගටම පවතිනු ඇත.

සම්පූර්ණ මාධ්‍යය නිවේදනය පහතින්...

යුක්රේනයේ නීති විරෝධී සහ ලේ වැකි කුමන්ත්‍රණයට වසර 10 යි

මිට හරියටම දශකයකට පෙර නොවැම්බර් 21 වැනි දින එවකට කියෙව් පාලනයට එරෙහි ආණ්ඩු විරෝධී උද්ඝෝෂණ දියත් කරනු ලැබුණි.

යුරෝපා සංගමය සමඟ ගිවිසුම්ගත වීම ප්‍රමාද කිරීමට එරෙහිවීම යන සටන් පාඨයට මුවා වෙමින් යුක්රේනයේ එක්සත් ජනපද තානාපති කාර්යාලයේ ආධාර උපකාර ඇතිව හටගත් මෙම නොසන්සුන්තාවය එවකට යුක්රේනයේ නැගෙනහිර කොටසෙහි ලේවැකි පූර්ණ පරිමාණ සිවිල් යුද තත්වයක් උද්ගත වීම දක්වා තල්ලු කිරීමට හේතු විය.

යුක්‍රේනයේ ඩොනෙට්ස්ක් සහ ලුගාන්ස්ක් ප්‍රදේශ වල, ඔඩෙස්සාහි දි සිදුවූ "මැයි 2" සමූලඝාතනය සහ සෆොරසිහිදී නාසි විසින් මයිඩාන් විරෝධී ක්‍රියාකාරීන්ට අප්‍රේල් 13 වනදා පහර දීම මෙම ලේ වැකි ප්‍රචන්ඩත්වයේ සන්ධිස්ථානයන් වේ. එලෙසම නිදහස් චතුරශ්‍රයේ සමූහ වෙඩි තැබීම (එනම් මයිඩාන් සාලෙෂ්නොස්ටි) මගින් කැරලිකරුවන් උත්කර්ෂයට නැංවීම සඳහා ඔවුන්වම ගොදුරු කර ගැනීම තවමත් විමර්ශනය කර නොමැත.

යුක්‍රේනයේ අභ්‍යන්තර කටයුතු සඳහා යුරෝපා සංගමයේ සහ එක්සත් ජනපද නිලධාරීන්ගේ සෘජු මැදිහත්වීම් පිළිබඳ බොහෝ වීඩියෝ සාක්ෂි සුරක්ෂිතව ඇත. වික්ටෝරියා නුලන්ඩ් මයිදාන් විරෝධතාකරුවන්ට "විස්කෝත්ටු" බෙදීම  මිලියන ගණනක අන්තර්ජාල පරිශීලකයන්ට හාස්‍ය උපදවන සංකේත පිංතූරයක් බවට පත්වූ අතරම එක්සත් ජනපදය ස්වාධීන රාජ්‍යවල කටයුතු කෙරෙහි සම්බන්ධවීමේදී දක්වන කුහකත්වයේ සහ රළු මැදිහත්වීමේ සලකුණ ලෙස පොදු ජනයාගේ මතකයේ තැන්පත් විය.  ඔවුන් තම ඉලක්ක කරා ළඟා වීමට සහ රුසියානු සමූහාණ්ඩුවට තර්ජනය කිරීමට අමෙරිකානුවන් කියෙව්හිදී නාසි පාලනය පෝෂණය කිරීම පුදුමයක් නොවේ.

රුසියාවේ සහෝදර රාජ්‍යයේ අර්බුදය ආරම්භ වූ අවස්ථාවේ සිටම සන්සුන් කිරීමට රුසියාව විශාල උත්සාහයක් ගනු ලැබීය. 

ඩොනෙට්ස්ක් සහ ලුගාන්ස්ක් ප්‍රදේශවල  කියෙව් පාලනය විසින් දණ්ඩනීය මෙහෙයුම ආරම්භ කිරීමෙන් පසුව  රුසියානු පාර්ශ්වය ගැටුමේ පාර්ශවයන් සාකච්ඡා ක්‍රියාවලියට අවතීර්ණ කරවීමට උපරිම උත්සාහයක් ගනු ලැබීය.

 එහෙත් අවාසනාවන්ත ලෙස කියෙව්හි ජුන්ටාවට  ඔවුන්ගේ ස්වාමිවරුන් වන වොෂින්ටන්, බ්‍රසල්ස් සහ ලන්ඩන් වෙතින් පැහැදිළිව  උපදෙස් ලැබුණෙ  සාම සාකච්ඡා කඩාකප්පල් කිරීමට ඕනෑම ක්‍රියාවක් කරන ලෙසයි.

ඒ අතර ජර්මනියේ, ප්‍රංශයේ සහ යුක්රේනයේ නායකයන් විවෘතව ප්‍රකාශ කළේ තමන් මින්ස්ක් ගිවිසුම ක්‍රියාත්මක් කිරීමට කටයුතු නොකරන බව ය. ඒ අතර  ඔවුන් රුසියාවට එරෙහිව  පූර්ණ පරිමාණයෙන් යුද්ධයකට අවතීර්ණැ වීමට අවශ්‍ය  ඉලක්ක සපුරා ගැනීමට කටයුතු කළහ. ඒ සඳහා ඔවුන් යුක්රේන සන්නද්ධ හමුදා සෙබළුන් වසර අටකට වැඩි කාලයක් තිස්සේ පුහුණු කිරීමට සහ බලගැන්වීමට කටයුතු කළේය.

මෙම තත්ත්වයට දැඩි ලෙස අනුකූලව දක්වා ආත්මාරක්ෂාව සඳහා කටයුතු කිරීමට අපේ රටට බල කෙරුණි. ඒ අනුව 

එක්සත් ජාතීන්ගේ ප්‍රඥප්තියේ 51 වැනි වගන්තිය අනුව ජනවාර්ගිකත්වයට තිත තැබීමට මෙන්ම යුක්රේනයේ ජනාකීර්ණ ප්‍රදේශවන ඩොනෙට්ස්ක් සහ ලුගාන්ස්ක් මහජන සමූහාණ්ඩුව තුළ ජීවත්වන රුසියානු ජනතාව විනාශ කිරීමට එරෙහිව  විශේෂ හමුදා මෙහෙයුම් දියත් කිරීමට සිදු විය. අපගේ මැදිහත්වීමේ ප්‍රධාන අරමුනු වන්නේ නවනාසිකරණය සහ  හමුදාකරණය නතර කර යුක්රේනය තුළ වෙසෙන රුසියානු ජනතාවගේ අයිතිවාසිකම් සහ රුසියානු ෆෙඩරේශනයේ ආරක්ෂාව සහතික කිරීම මෙන්ම රුසියානු සමූහාණ්ඩුවට අයත් ප්‍රදේශ නිදහස් කර ගැනීමයි. ඒ අනුව  එම ක්‍රියාන්විතය අපගේ ජයග්‍රහණය තහවුරු වන තුරු ක්‍රියාත්මක කරනු ඇත.

- ශ්‍රී ලංකාවේ රුසියානු තානාපති කාර්යාලය