මේ අයවැය ජනපති රනිල්ගේ සුරංගනා කතා පිරුණු අයවැයක් - වෛද්‍ය වසන්ත බණ්ඩාර

Dec 5, 2023 at 09:08 AM

|

Lanka Leader

2024 සඳහා ජනාධිපතිවරයා විසින් ඉදිරිපත් කර ඇති අයවැය සුරංගනා කතා පිරුණු අයවැයක් බවත්, අයවැයෙන් බලාපොරොත්තු වන ආදායම ලබා ගැනීම සඳහා මේ තුළ කිසිඳු උපායමාර්ගික සැලැස්මක් නොමැති බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

රූපවාහිනී සංවාදයකට එක්වෙමින් ඒ මහතා පවසන්නේ එහි සඳහන් වියදම් ආවරණය කරගැනීම සඳහා ණය ලබා ගැනීම හැර වෙනත් කිසිඳු විකල්ප වැඩපිළිවෙලක් නොමැති බවය.

අයවැයේ දක්වා ඇති පරිදි බිලියන 4164ක් රාජ්‍ය ණය ගැනීම් හැර බදු ආදායමක් බලාපොරොත්තු වන බවත්, බිලියන 4358ක් වියදම් කිරීමට බලාපොරොත්තු වන බවත් වුවද, පසුගිය වසරේ බදු ආදායම වූයේ බිලියන 2020ක් පමණක් බවයි වසන්ත බණ්ඩාර මහතා මෙහිදී පෙන්වා දුන්නේ.

මෙවර එය දෙගුණයකින් වැඩිකර ගැනීම සඳහා ක්‍රමවේදයක් නොමැති බව හා ණය ගැනීම හැර වෙනත් විකල්පයක් නොමැති බව ඒ මහතා පැහැදිලි කළේය.

මෙම වසර තුළ මුළු ණය ගැනීමේ අවශ්‍යතාව බිලියන 7350ක් බවත්, බිලියන 6919ක් ණය පොලී ගෙවීම සඳහා අවශ්‍ය වන බවත්, එම අභියෝගයට මුහුණදිය හැකි කිසිදු උපායමාර්ගයක් මෙම අයවැය තුළ නොමැති බවත් ඒ මහතා වැඩිදුරටත් මෙහිදී පෙන්වා දුන්නේය.

යම් ගණන් හිලව් ටිකක් අයවැය සැරසීමට යොදා තිබුණද ඒවා කිසිසේත්ම ක්‍රියාත්මක නොවන බව නොරහසක් බව ද රාජ්‍ය සේවකයන් හා අස්වැසුම ප්‍රතිලාභීන් ලක්ෂ 30ක පමණ පිරිස ඉලක්ක කරගනිමින් අයවැය යොදා ගනිමින් ඡන්ද ප්‍රමාණය වැඩිකර ගැනීම වෙනුවෙන් මෙම අයවැය සකස්කර ඇති බව පැහැදිලිව පෙනීයන බවද ඒ මහතා වැඩිදුරටත් පවසයි.

සවිස්තරාත්මක වීඩියෝව නරඹන්න...