ඉසිවර වෙදදුරු වෛද්ය පාලිත රාජපක්ෂට සාධාරණය ඉටුකරනු!
අපේ රටේ බොහෝ වෙලාවට රෝගින් ගේ ජීවිත බේරගන්න වෙන්නේ රෝගියා රෝහලට ගෙනාවාට පසු අඩු ගානේ යුද්ධය පවතින කාලයේ පවා ඒ ස්ථානයට ගිහිල්ලා මූලික ප්රතිකාර කලේ නැති බවයි. අපි දන්නේ එහෙම ප්රතිකාර කලා නම් ඒ යුධ බිමේ සිටි හමුදාවන්ට සම්බන්ධ හමුදා වෛද්යවරු ඒ වගේම රෝගියා කුමන තරාතිරමක කෙනෙක් වුනත් රෝහලට ගෙනාවාට පසු ඔහු රෝගියෙක් සේ සලකා වෙනස් කොට සැලකීමෙන් තොරව රෝගියා ගේ ජීවිතය බේරාගැනීමට නිදිවර්ජිතව කාලය පිලිබඳව තැකිමක් නොකොට ප්රතිකාර කිරීම අපේ රටේ සිදුවන්නක්. ඒ අපේ රටේ ඉසිවර වෙදදුරන් සහ සෞඛ්ය කාර්ය මණ්ඩලවලට පින් සිදුවන්නට අපේ කථානායක ඉසිවර වෙදදුරු ඊටත් එහා ගිය කෙනෙක් බව පසුගිය දිනක ඇල්ල ප්රදේශයේ සිදුවු බිහිසුණු මාරක අනතුරෙන් පසුව රටම දන්නා ප්රසිද්ධ කරුණක්.
ඔහුටත් තිබුනා තමන්ගේ රෝගි තත්ත්වය සහ සාමාන්ය විදිහට හිතලා රෝගින් රෝහලට ගෙනාවාට පසු ප්රතිකාර කීරීමට එහෙම වුනා නම් මීටත් වඩා රෝගින් මියයන්න තිබුනා. නමුත් ඉසිවර වෙදදුරුකු හැටියට ඔහු දන්නවා එවැනි අනතුරකදී කෙතරම් සද්බාවයෙන් වුනත් මිනිස්සුන් අතින් සිදුවන වැරදි වලින් තවත් පිරිසක් මියයාමට හැකි බව ඒ නිසාම ඔහු තීරණය කරන්න ඇති අදාල ප්රදේශයට ගොස් රෝගින් බේරාගැනීමට කටයුතු කිරීමට. අපි මීට පෙරත් දැක්කා ඔහු බදුල්ල ප්රදේශයේ පස් කන්ඩියකට යටවු පුද්ගලයින් බේරාගන්න මඩේ බැහගෙන වෙදදුරුකුට එහා ගිය රාජකාරියක් කරනවා.තමන්ගේ වයස සහ තමන්ගේ රෝගි තත්ත්වය වේලාව ගැනවත් හිතන්නේ නැතිව හමුදාවක පුහුණු සොල්දාදුවකු වගේ අඩි දහසක් පමණ ප්රපාතයකට බැහලා මූලික ප්රතිකාර කරලා රෝගින් කරමතින් ඉහලට රැගෙන ඒමේදී සිදුවන හානී වලකාලිමට කටයුතු කර තිබිම අතිශයින්ම ප්රසංසනීය කටයුත්තක්. ඒ නිසාම මියයාමට තිබුණු තවත් පිරිසකගේ ජීවිතය රැක ගැනීමට හැකිවූ බව රහසක් නොවෙයි.ඒ වගේම අදාළ රෝගින් රැගෙන ඒමේ කුඩා ඇඳන් ලබාදීලා තිබුනෙත් රජයෙන් නෙවෙයි. ඔහුගේ ඉල්ලිම මත නිදහස් සෞඛ්ය සේවයට ආදරය කරන මුස්ලිම් සහෝදරවරු පිරිසක් විසින්. මම හිතන්නෙ ඔහුව අද වෙනකොට නොදන්න කෙනෙක් නෑ.ඒ ඇල්ල බස් රථ අනතුරේදි එම ස්ථානයට ගොස් අවශ්ය මූලික ප්රථමාධාර දීල ජීවිත රැසක් බේරගත්ත වෛද්යවරයෙක් ලෙස.
ඔහු මෙසේ අනතුරු සිදුවුන තැනට ගිහින් ප්රතිකාර කළ පලමු අවස්ථාව නොවෙයි.ඔහු මෑත කාලීනව මෙහෙම හදිසි අනතුරු බහුල මේ ප්රදේශවල රෝහල් සූදානම් විය යුතු ආකාරය සම්බන්ධයෙන් රූපවාහිනි වැඩසටහනකදී පවා අදහස් දැක්වූවා. ඔහුගේ මැදිහත් වීමෙන් බදුල්ල මහ රෝහලේ හදිසි අනතුරු හදිසි ප්රතිචාර ඒකකයක් නිර්මාණය කර තිබෙන්නේ බොහෝ කාලයකට පෙර සිටයි.
ඔබ දන්නවාද?...
ඔහු හෘදායාබාධ දෙවරක් හැදිල "ස්ටෙන්ට්" දෙවරක් දමා සිටින වෛද්යවරයෙක්.ඔහු මේ සියලු හදිසි අනතුරු ප්රතිකාර සදහා ඉතා අවදානම් තැන්වලට යන්නෙ ඔහුගේ සෞඛ්ය තත්වයද නොසලකමින්.ඔහු රෝහලේ ඕනෑම හදිසි අවස්ථාවක් සදහා ඔහුගේ රාජකාරි වෙලාවෙන් බැහැරව උවත් සම්බන්ධ වෙන්නෙ ඔහුගේ නායකත්වය ඔහු ඕනෑම වෙලාවක දෙන්න සූදානම් නිසා. ඔහු අතිදක්ෂ ලෙස හදිසි ප්රතිකාර හසුරුවන්නෙක්. ඒ නිසාම ඔහු බදුල්ල ප්රදේශයේම ඉතා ප්රසිද්ධ වෛද්යවරයෙක්. ඔහු රජයේ වෛද්ය නිලධාරීන්ගේ සංගමයේ වත්මන් සහකාර ලේකම්වරයා මෙන්ම රජයේ වෛද්ය නිළධාරීන් ගේ සංගමයේ කාලයක් සක්රීය ලෙස දායක වෙමින් වෛද්යවරුන් පමණක් නොව සමස්ත සෞඛ්ය කන්ඩායමේ උන්නතිය වෙනුවෙන් වැඩ කල වෛද්යවරයෙක්. ඔහු බදුල්ල මහ රෝහලට නැත්නම් ඌවට හෘදායාබාද ජිවිතාරක්ෂක හදිසි ප්රතිකාර angiogram උපකරණයක් ලබා ගැනීම වෙනුව්න් දියත් කර ඇති ව්යාපෘතියෙ නායකත්වය දරන්නෙත් ඔහු. එලෙසම ඌව වෙල්ලස්ස වෛද්ය පීඨය ආරම්භ කිරීමට සුවිශේෂ වැඩ කොටසක් ඔහු සිදු කළා.
නමුත් ඔබ දන්නවාද?
ඔහු 2022 ඇතිවූ බෙහෙත් හිගය සමයේ ඔහු රජයේ වෛද්ය නිළධාරින්ගේ සංගමයේ සහකාර ලේකම් ලෙස බදුල්ල රෝහල සම්බන්ධයෙන් කළ මාධ්ය ප්රකාශයට සම්බන්ධයෙන් ඔහුට විනය ක්රියාමාර්ගකට මේ මොහොතේ මුහුණ දෙන බව. ඔහු පසුගිය රජයන්හි සෞඛ්ය අර්බුදයන් සම්බන්ධයෙන් ජනතාව වෙනුවෙන් ඉදිරියට පැමිණ සැබෑ තතු ජනතාවට හෙලි කිරීම සම්බන්ධයෙන් පසුගිය රජයන්හි මැති ඇමතිවරුන්ගෙ පලි ගැනීම්වලට ලක්ව අහේතුක විමර්ශනයන් ආරම්භ කර ඇති වග. ඒ අනුව රෝගින්ට ප්රතිකාර කිරීමට ඖෂධ නැතයි කීම විනය පරීක්ෂණවලට මුහුණ දෙන්න සිදුවෙච්ච් අවාසනාවන්ත රටක්. ඉතින්, අපේ රටේ මේ වගේ දක්ෂ වෛද්යවරු රටින් නොයා ඉදීවිද?
එහෙම උනොත් හදිසි අනතුරකදී අපේ ජීවිත වලට වගකියන්නේ කවුද?.මෙ සියලු පලිගැනීම් හා ප්රශ්න හමුවේ උවත් ඔහු ඔහුගේ වගකීම් නිසි ලෙස ඉටු කරමින් ඌව ජනතාවගේ සෞඛ්ය නගාසිටුවීම වෙනුවෙන් තවමත් සටන් කරමින් සිටිනවා.වත්මන් රජයේ වගකීමක් ලෙස අපි සියලු දෙනා එක් හඬින් ඉල්ලීම් කළ යුත්තේ ඔහුට අසාධාරණ ලෙස පසුගිය පාලන සමයේ කල අයුක්ති සහගත විමර්ශන හා විනය ක්රියාමාර්ග කඩිනමින් සාධනීය ලෙස අවසන් කල යුතු බව නොවේද? එබැවින් මේ සම්බන්ධයෙන් ප්රමුඛත්වය ලබාදී ඉසිවර වෙදදුරු වෛද්ය පාලිත රාජපක්ෂ වෙනුවෙන් සාධාරණය ඉටුකරන ලෙස වත්මන් රජයේ සෞඛ්ය අමාත්යවරයාගෙන් කාරුණිකව ඉල්ලා සිටිමු!
සමාජ මාධ්යයේ තිබු ලිපියක් සංස්කරණය කිරීමෙන් පසු කරනු ලබන පල කිරීමකි.
වසන්ත අල්විස්
මහජන යුතුකම් කේන්ද්රය
සම්බන්ධිත පුවත් | Related News
ප්රධාන පුවත්
රුසියාවේ තෙල් පිරිපහදුවකට ඩ්රෝන ප්රහාරයක්..
NLDB ගොවිපළවල් පෞද්ගලික අංශයට බදු දීමේ තීරණය හකුළා ගන්න.. - කෘෂි අරගල ව්යාපාරයෙන් ඇමති ලාල් කාන්තට විවෘත ආයාචනයක්..
"ඉරාන යුද්ධය අනිවාර්යයෙන්ම අවසන් විය යුතුයි... ඇමරිකාව සතු THAAD මිසයිලවලින් 80% ක් සහ පැට්රියට් (Patriots) මිසයිලවලින් 65% ක්ම භාවිත කර අවසන්".. - මහාචාර්ය ජෝන් මියර්ෂයිමර්
බෞද්ධ විහාර දේවාලගම් ඒකීය රාජ්ය රකින පවුරයි... ඇමති හදන්නේ පන්සලට විරුද්ධව ජනතාව නඩු මගට දාලා පවුර බිඳින්න...! - මතුගම සෙනෙවිගෙන් හිනිදුම සුනිල් සෙනෙවිට පණිවිඩයක්
ට්රම්ප්ගේ සාම සැලැසුම නෙතන්යාහු ප්රතික්ෂේප කරයි..
ආසියානු අපරාධ කල්ලිවල නව පාරාදීසය ශ්රී ලංකාව ද?..
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..