වෙනිසියුලානු ජනපති අත්අඩංගුවට ගැනීමට ලබා දෙන ඔත්තුවකට ඩොලර් මිලියන 50ක් පිරිනැමීමට අමෙරිකාව ගත් තීරණය පිළිකුලෙන් යුතුව හෙළා දකිමු! - ශ්‍රී ලංකාවේ බොලිවේරියානු සහයෝගිතාවය
වෙනිසියුලානු ජනාධිපති අත්අඩංගුවට ගැනීමට ලබා දෙන ඔත්තුවකට ඩොලර් මිලියන 50ක් පිරිනැමීමට අමෙරිකා එක්සත් ජනපදය ගත් තීරණය පිළිකුලෙන් යුතුව හෙළා දකින බව ශ්‍රී ලංකාවේ බොලිවේරියානු සහයෝගිතාවය පවසයි.
එහි ලේකම් ජීවන්ත ජයතිස්ස මහතා නිවේදනයක් නිකුත්කරමින් මේ බව පවසා තිබේ.
අදාළ නිවේදනය පහළින්..
පසුගිය අගෝස්තු 8 වනදා එක්සත් ජනපද නීතිපති පෑම් බොන්ඩි ප්‍රකාශයක් නිකුත් කරමින් පවසා සිටියේ වෙනිසියුලානු ජනාධිපති නිකොලොස් මදුරෝ අත්අඩංගුවට ගැනීමට හැකි වන ඔත්තුවක් සපයන්නෙකුට ඩොලර් මිලියන 50ක ත්‍යාගයක පිරිනමන බවයි. අමෙරිකා එක්සත් ජනපදය ප්‍රථම වතාවට වෙනිසියුලානු ජනාධිපතිවරයා පිළිබඳව ලබා දෙන ඔත්තුවකට ත්‍යාග පිරිනමන බව පැවසූවේ වර්ෂ 2020 දීය. ඒ ඩොලර් මිලියන් 15ක ත්‍යාගයක් ලෙසය. එම අගය 2025 ජනවාරි මාසය වන විට ඩොලර් මිලියන 25 දක්වා නැවත ඉහළ දමන ලද්දේය. මේ සෑම අවස්ථාවකම මදුරෝට එල්ල කළ චෝදනාව වූයේ මත්ද්‍රව්‍ය ජාවරම් කරනවාය යන්නයි. නිකොලොස් මදුරෝ යනු මේ වන විට දෙවතාවක්ම වෙනිසියුලානු ජනයාගේ ඡන්දයෙන් බලයට පත්වූ ජනාධිපතිවරයෙකි. ඒ අනුව ඔහු ඉන්නා තැන දැන ගැනීමට අළුතින් ඔත්තු අවශ්‍ය වන්නේ නැත. අමෙරිකා එක්සත් ජනපදය වෙනිසියුලානු ජනාධිපතිවරයාට ඊනියා මත්ද්‍රව්‍යය චෝදනා එල්ල කිරීමෙන් පමණක් නැවතුනේ නැත. 2018 වර්ෂයේදී මදුරෝ කැරකස් නගරයේදී රැළියක් අමතමින් සිටියදී ඩ්‍රෝන ප්‍රහාරයක් මගින් ඝාතනය කිරීමට උත්සහා කළේය. එලෙසම 2024 සැප්තැම්බර් මාසයේදී, වෙනිසියුලානු පොලිසිය විසින් මදුරෝ ඝාතනය කිරීමේ ප්‍රයත්නයක් ව්‍යවර්ත කළේය. වෙනිසියුලාව තරම් ස්වාභාවික සම්පතින් අනූන නොවූ කියුබාව නම් කුඩා දිවයිනේ අසාහය විප්ලවාදියා වූ ෆිදෙල් කස්ත්‍රොගේ ජීවිතය බිළි ගැනීමට අමෙරිකානු අධිරාජ්‍යවාදියා 637 වතාවක් උත්සහා කළේය. ලිබියාවේ ගඩාෆිගේ ඉරාකයේ සදාම් හුසේන්ගේ ආණ්ඩු අභූත චෝදනා එල්ල කර ආක්‍රමණය කර විනාශ කර දමන ලද්දේය. ඉරානය, උතුරු කොරියාව, සිරියාව සහ කියුබාව ත්‍රස්තවාදයට අනුබල දෙන රාජ්‍ය ලෙස නම් කර තිබේ. මුලින් කී රටවල් තුන යුදමය වශයෙන් බලවත් වුවද කියුබාව එවැනි යුදමය හැකියාවක් ඇති රටක් නොවේ. කියුබාවට ඇත්තේ සමස්ත ලෝක ජනයාගේ ආදරය සහ ගෞරවය නොමදව දිනා ගැනීමේ ශක්තිය පමණය. අමෙරිකානු අධිරාජ්‍යා එවැනි අහිංසක ශක්තියකට පවා ඇත්තේ පුදුමාකර බියකි. වෙනිසියුලාවේ ජනාධිපතිවරයාට ජාත්‍යන්තර මත්ද්‍රව්‍ය ජාවාරම්කාරයකු යන චෝදනාව ඉදිරිපත් කරන අමෙරිකාව ඇල්බේනියානු-ඉක්වදෝර මත්ද්‍රව්‍ය ජාලය තම හුරතලුන් ලෙස සැලකීම ලෝක ජනයාගේ පුදුමයට හේතුවේ.
වෙනිසියුලානු ජනාධිපතිවරයාට ජාත්‍යන්තර මත්ද්‍රව්‍ය ජාවාරම්කාරයෙකු යන චෝදනාව කිරීමෙන් නොනැවතී වෙනිසියුලානු මොනාගාස් ප්‍රාන්තයේ අගනුවර මෙන්ම වෙනිසියුලාවේ ඛනිජ තෙල් කර්මාන්තයේ උපකරණ ගවේෂණය සහ සංවර්ධනය වෙනුවෙන් වෙන් වූ මධ්‍යස්ථානය වන මැටුරින් නගරයේ දැවැන්ත පිපිරීමක් කිරීමට අධිරාජ්‍යවාදී බලවේග සැලසුම් සකස් කර තිබුණි. මහජනයා ඉලක්ක කර කරනු ලබන පුපුරුවා හැරීමකින් පසුව ප්‍රදේශයේ බලය අත්පත් කර ගැනීමට තරම් ප්‍රමානවත් තරමේ ආයුධද මෙම කණ්ඩායම සතුව තිබුණි. එලෙසම පසුගිය ජූනී මාසයේදී කැරකස් නගරයේ ජනාකීර්ණ ප්‍රදේශයක් ආශ්‍රිතවද දුරස්ත පාලකයක් මගින් පුපුරුවා හැරීමක් සූදානම් කර තිබුණි. මෙවැනි මානව විරෝධී කඩකප්පල්කාරී ක්‍රියා සියල්ල අවශ්‍ය වන්නේ ෆැසිස්ට් අන්ත දක්ෂිණාංශික කණ්ඩායම් වලට මිස සාමය සහ සතුට අවශ්‍ය ප්‍රගතිශීලී බලවේග වලට නොවන බව අපි අවධාරණය කරමු.
අවසාන වශයෙන් අධිරාජ්‍යවාදී බලවේග වල පවිටු වුවමනාවන් ගැඹුරින් අවබෝධ කරගෙන දකුණු අමෙරිකානු රාජ්‍යයන් වල වෙසෙන ජනතාව ෆිදෙල්ගේ, චේගේ, චාවේස්ගේ සහ අනෙකුත් අධිරාජ්‍ය විරෝධී දකුණු අමෙරිකානු නායකයන්ගේ ආදර්ශයන් අනුව පෙළ ගැසෙන ලෙස ශ්‍රි ලංකාවේ බොලිවේරියානු සහයෝගිතාවය මහත් ඕනෑකමින් යුතුව ඉල්ලා සිටිමු. එලෙසම ආසියානු අප්‍රිකානු කළාපයේ වෙසෙන අධිරාජ්‍ය විරෝධී බලවේග එක මිටකට ගොනු වීමේ අවශ්‍යතාවයද අවධාරණය කරමු. එසේ දැනුවත්ව සංවිධානය වීමකින් තොරව චීනය , රුසියාව ප්‍රමුඛ රටවල් ආශ්‍රිතව ගොඩ නැගෙන නව බහු ධ්‍රැවීය බලකේන්ද්‍රයන් වලින් ලැබෙන වාසිය ආසියා අප්‍රිකා ලතින් අමෙරිකා කළාපයේ වෙසෙන පීඩිත දිළිඳු ජනයාට අත්පත් කර ගැනීමට නොහැකි බවද අපි අවධාරණය කරමු.
ජීවන්ත ජයතිස්ස
ලේකම්,
ශ්‍රී ලංකාවේ බොලිවේරියානු සහයෝගිතාවය
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්