රටේ ලක්ෂ 60ක දරුවන් අනතුරේ හෙළමින් ළමා අපචාරකයන්ට ලංකාව පාරාදීසක් බවට පත්කරන ඩොලර්වලින් යැපෙන කුමන්ත්‍රණකරුවන්ගේ ජඩ මෙහෙයුම මෙන්න.. (වීඩියෝ)

Jun 3, 2025 at 08:56 PM

|

Lanka Leader

ඩොලර්වලින් යැපෙන කුමන්ත්‍රණකාරීන් පිරිසක් විසින් රටේ අර්බුද මැද මහජනයාගේ මනස වෙනත් පැත්තකට යොමු වී ඇති මොහොතක  දරුවන් ලිංගික අපරාධවලින් ආරක්ෂා කරගැනීමට පනවා තිබූ දණ්ඩනීති සංග්‍රහයේ 365 සහ 365 ආ වගන්ති සංශෝධනය කර  ලක්ෂ 60ක පමණ වන මෙරට දරුවන්ගේ ජීවිත  අනතරුරට හෙළීමට කටයුතු  සූදානම් කර ඇති බව දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා චෝදනා නගයි.

ජාතික සංවිධාන එකමුතුව විසින් පැවැත්වූ මාධ්‍ය සාකච්ඡාවකට එක්වෙමින් ඒ මහතා පැවසුවේ ළමා අපචාරකයන්ට ලංකාව  පාරාදීසක් බවට පත් කිරීමට මෙම කුමන්ත්‍රණකරුවන් සූදානම් වන බවත්, මෙරට කිසිඳු ශිෂ්ට සම්පන්න මිනිසෙක් මෙය අනුමත නොකරන බවත් ය.

පසුගිය සමයේ මෙය පෞද්ගලික මන්ත්‍රී යෝජනාවක් ලෙස දොළවත්ත මන්ත්‍රීවරයා ගෙනආ බවත්, එහෙත් එල්ලවූ දැඩි මහජන විරෝධය හමුවේ එය අකුලා ගත් බවත් පවසන වසන්ත බණ්ඩාර මහතා, හකුලාගත් මෙම ක්‍රියාවලිය නැවතත් සක්‍රීය කරන ලෙස මානව හිමිකම් කොමිසම අධිකරණ ඇමැතිවරයාට පවසා ඇති බවත් සඳහන් කරයි. 

මෙය පිටුපස විශාල කුමන්ත්‍රණකරුවන් පිරිසක් සිටින පවසන ඒ මහතා රාජ්‍ය නොවන සංවිධානවලට හේත්තු වී අමෙරිකාවෙන් ඩොලර් උපයන මොවුන් 63 දෙනෙකුගේ නම් ඇතුළත් ලැයිස්තුවක් ද මෙම මාධ්‍ය සාකච්ඡාවේ දී හෙළිදරව් කළේය.

අමෙරිකාවේ USAID ආයතනය ලංකාවට අවුරුදු 5කට ඩොලර් මිලියන 60ක් වෙන් කරන ලද බවත්, ඉන් වැඩි ප්‍රමාණය වෙන්කර තිබුනේ සමලිංගික ක්‍රියා හා ළමා අපචාර මෙරට ප්‍රචලිත කිරීමේ ක්‍රියාවලියට බවත් ඒ මහතා මෙහිදී හෙළිදරව් කළේය. 

සවිස්තරාත්මක වීඩියෝව නරඹන්න..