මේ සිදුවෙමින් පවතින්නේ ඓතිහාසික පාවාදීමක් ද? - ජිහාන් හමීඩ්

Apr 4, 2025 at 02:23 PM

|

Lanka Leader

ශ්‍රී ලංකාව භයානක සන්ධිස්ථානයකට පැමිණ සිටී. ජනාධිපති අනුර කුමාර දිසානායක ඉන්දියාව සමඟ ආරක්ෂක සහ ආර්ථික ගිවිසුම් අත්සන් කිරීමට සූදානම් වන බවට වාර්තා වෙමින් තිබේ.

ශ්‍රී ලාංකේය ජාතිය විදේශ අවශ්‍යතාවලට ස්ථිරවම බැඳ තබන මෙවැනි ගිවිසුම් එළඹෙනවායැයි පැවසෙන තොරතුරු සත්‍ය නම්, මෙය අපගේ ඉතිහාසයේ දරුණුතම පාවාදීම්වලින් එකක් වනු ඇත. එම පාවාදීම මගින් අපට උරුම උපායමාර්ගික ස්වාධීනත්වය අඩපණ කර අප ජාතියේ ඉරණම විනාශයෙන් අවසන් කරනු ඇත.

ආචාර්ය දයාන් ජයතිලක වරක් නිවැරදිව පෙන්වා දුන් පරිදි, ශ්‍රී ලංකාවේ ජනාධිපතිවරයගේ ධුරයෙහි නීත්‍යානුකූලභාවය ලබා ගන්නේ පාර්ලිමේන්තුවේ සුපිරි බහුතරයකින් නොව ජනතාවගේ ජනවරමෙන් ය.ජනාධිපතිවරන්යේදී ඡන්දවලින් 42% ක් පමණක් ලබා ගත්  ජනාධිපති අනුර කුමාර දිසානායක මහතාට අපේ රටේ අනාගතය පිළිබඳව ආපසු හැරවිය නොහැකි තීරණ ගැනීමට සදාචාරාත්මක හෝ ප්‍රජාතන්ත්‍රවාදී අයිතියක් කිසිසේත් නැත.

අත්සන් කරනවායැයි පැවසෙන මෙම සැක සහිත ගිවිසුම් 2023 අගෝස්තු මාසයේදී ඔහු විසින්ම ප්ළිකෙව් කළ ගිවිසුම් වලට වඩා වැඩි බරක් තිබෙන ගිවිසුම් වන්නේ නම්, ඔහු කුහකයෙකු පමණක් නොව ඓතිහාසික ද්‍රෝහියෙකු බවටද පත් වනු ඇත.

ජනාධිපති අනුර කුමාර දිසානායක මහතා ඉන්දියානු බ්ලහත්කාරයට එරෙහිව සන්නද්ධ කැරැල්ලකට නායකත්වය දුන් ජනතා විමුක්ති පෙරමුණෙහි සභාපතිවර්යය. ජනතා විමුක්ති පෙරමුණේ ආරම්භක නායක රෝහණ විජේවීර මහතා සමඟ ඔහු අනුගමනය කළ තරුණයින් 60,000 කට වැඩි පිරිසක් ඝාතනයට ලක්විය. ඔවුන් තම ජීවිත පරිත්‍යාගයෙන් 1987 ගෙන ආ ඉන්දු-ලංකා ගිවිසුමට විරුද්ධ විය. එහෙත් පැතිර යමින් පවතින වාර්තා සත්‍ය නම්, ජනතා විමුක්ති පෙරමුණේ වත්මන් නියමුවෝ ශ්‍රී ලංකාවේ ස්වෛරීභාවය අත්හැරීමට සූදානමින් පසුවෙයි.

දෙමළ බෙදුම්වාදි කොටි ත්‍රස්තයන් සමඟ සටන් වැදී මිය ගිය අපේ සොල්දාදුවන් සහ 87-89 වකවානුවේ  මියගිය අපගේ තරුණයින් ජීවිත කැප කළේ මෙවැනී ජාති ද්‍රෝහී පාවාදීමක් සඳහාද? වරක් ඉන්දියානු බලපෑමට ප්‍රචණ්ඩ ලෙස විරුද්ධ වූ පක්ෂයක වත්මන් නායකයා වූ ජනාධිපති අනුර කුමාර දිසානායකට ශ්‍රී ලංකාව දාස රාජ්‍යයක් බවට පත් කිරීම වෙනුවෙන් ඔවුන් තම ජීවිත පරිත්‍යාග කළාද? ඔහු මෙම ද්‍රෝහී ගිවිසුම් වලට එකඟ වුවහොත් , යුද්ධයෙන් නොව, බලහත්කාරයෙන් නොව, දේශපාලන බියගුලුකමෙන් 1815 උඩරට ගිවිසුම මගින් අපගේ ජාතිය පාවා දීමට මැදිහත් වූවන් සමඟ ඔහුද ඉතිහාසයේ කුණු කූඩයට එකතු වනු ඇත.

ජිහාන් හමීඩ්