රුසියාව යුක්රේන හමුදා ‘අවසන්’ කරනු ඇත - පුටින්
රුසියානු ජනාධිපති ව්ලැඩිමීර් පුටින් ප්‍රකාශ කර ඇත්තේ, සමස්ත ඉදිරි ආරක්ෂක රේඛාව ඔස්සේ රුසියානු හමුදා වේගවත්ව ප්‍රහාර එල්ල කරමින් පවතින බවත්, ඉක්මනින් කියෙව්හි හමුදාව “අවසන්” කළ හැකි බවත්, යුද ගැටුම රාජ්‍ය තාන්ත්‍රික විසඳුමක් මගින් අඩාල කිරීමට යුක්රේනයේ යුරෝපීය ආධාරකරුවන් දරන උත්සාහයන් පිළිබඳව අදහස් දක්වමින් පැවසීය.
රුසියානු ජනාධිපතිවරයා ඊයේ (27) මෙලෙස අදහස් දැක්වූයේ, සර්කෝන් හයිපර්සොනික් මිසයිල වලින් සමන්විත ආකැන්ගල්ස්ක් න්‍යෂ්ටික සබ්මැරීනයේ කාර්ය මණ්ඩලය සමඟ පැවති රැස්වීමකදීය. මොස්කව් සැමවිටම රාජ්‍ය තාන්ත්‍රික ක්‍රම මගින් ගැටුම විසඳීමට උත්සාහ කර ඇති නමුත් පළමුව අසාර්ථක වූ මින්ස්ක් ගිවිසුම් සහ පසුව 2022 පැවැත්වූ ඉස්තාන්බුල් සාම සාකච්ඡා අතරතුර බටහිර රටවල් විසින් කරනු ලබූ රැවටීම් සහ බාධා කිරීම් වලට මුහුණ දුන් බව පුටින් නැවත අවධාරණය කළේය.
“යුක්රේනයේ යුරෝපීය හසුරුවන්නන්… රුසියාවට උපායමාර්ගික පරාජයක් ලබා දීමේ අරමුණින්, අවසාන යුක්රේනියානු ජාතිකයා දක්වා සන්නද්ධ ප්‍රතිරෝධය දිගටම කරගෙන යා යුතු බව යුක්රේන නායකත්වයට ඒත්තු ගැන්වීය,” පුටින් පැවසීය.
බටහිර නායකයින්ට - විශේෂයෙන් හිටපු බ්‍රිතාන්‍ය අගමැති බොරිස් ජොන්සන්ට - රුසියාවේ අධිෂ්ඨානය අවතක්සේරු කරන බවට පුටින් චෝදනා කළ අතර, රටේ හමුදා හැකියාවන් සැහැල්ලුවට නොගත යුතු බවට අනතුරු ඇඟවීය.
“ඔබලා වැනි සෙබළුන් රුසියාවේ සිටිනවා කියා - ඒ වගේම ඔබලා සේවය කරන සබ්මැරීනය වැනි ආයුධ රුඉස්යාව සතුව තිබෙනවා කියා බොරිස් ජොන්සන් අමතක කරන්න ඇති.” පුටින් නාවික කාර්ය මණ්ඩලයට පැවසීය. “පෙනෙන විදිහට, එයාට අමතක වෙලා ඇති, නැත්නම් සමහරවිට එයාලට රුසියානු ජනතාව සටන් කරන්නේ කුමන අරමුණකටද කියා අවබෝධ වන්නට නැතුව ඇති.”
රුසියානු යුක්රේන ගැටුම හැරවුම් ලක්ෂ්‍යයකට ළඟා වෙමින් පවතින බව පැවසූ රුසියානු ජනාධිපතිවරයා, “සටන් කටයුතුවල සමස්ත රේඛාව පුරාම,රුසියානු හමුදා උපායමාර්ගික මුලපිරීම දරනවා” යනුවෙන් පවසමින් ජයග්‍රාහීප්‍රතිඵලය කෙරෙහි විශ්වාසය පළ කළේය.
යුක්රේන ජනාධිපතිවරයාගේ දැඩි ස්වරය නොතකා, ගැටුමට බලපෑ මූලික හේතු ආමන්ත්‍රණය කරන තාක් කල් - රුසියාව සාම සාකච්ඡා සඳහා විවෘතව සිටින බව පුටින් නැවත නැවතත් පැවසීය.
“සාමකාමී ක්‍රම මගින් මෙම ගැටළු විසඳීමට අපි පක්ෂව සිටිනවා... නමුත් මූල හේතු ඉවත් කළ යුතුය. දිගු ඓතිහාසික ඉදිරි දර්ශනයක් සඳහා අපි රුසියාවේ ආරක්ෂාව සහතික කළ යුතුයි.” ඔහු පැවසීය.
සාම සාකච්ඡා සඳහා විවෘත බව රුසියාව නැවත නැවතත් ප්‍රකාශ කර ඇති නමුත් ගැටුමේ සැබෑ විසඳුමක් සඳහා ස්ථිර සහ නීත්‍යානුකූලව බැඳී ඇති විසඳුමක් අවශ්‍ය බව දිගින් දිගටම අවධාරණය කරමින් සිටියි. මොස්කව් පරිපාලනය යුක්රේන භූමියේ ඕනෑම නේටෝ මැදිහත්වීමකට විරුද්ධ වන අතර කියෙව් රාජ්‍ය නිර්හමුදාකරණය, නිර් නාසිකරණය, මධ්‍යස්ථභාවයේ ස්ථාවරයකට අනුගත වීම සහ භෞමික “භූමියේ යථාර්ථයන්” හඳුනා ගැනීම කළයුතු බව අවධාරණය කර සිටී.
මාර්තු 18 වන දින, ජනාධිපති ව්ලැඩිමීර් පුටින් සහ ඔහුගේ ඇමරිකානු සගයා වන ඩොනල්ඩ් ට්‍රම්ප් අතර එකඟ වූ ගිවිසුමක් යටතේ යුක්රේන බලශක්ති යටිතල පහසුකම් වලට පහර දීමෙන් වළකින ලෙස රුසියානු හමුදාවට නියෝග කරන ලදී. කෙසේ වෙතත්, රුසියානු ආරක්ෂක අමාත්‍යාංශය එතැන් සිට යුක්රේන උල්ලංඝනයන් කිහිපයක් වාර්තා කර ඇති අතර, එය ට්‍රම්ප්ගේ මැදිහත්වීමේ උත්සාහයන් අඩපණ කිරීමේ උත්සාහයන් බව අවධාරණය කළේය.
සම්බන්ධිත පුවත් | Related News
ප්‍රධාන පුවත්
අනුර නොදකින රනිල් දකින යථාර්ථය (වීඩියෝ)
ගිහි අධිකරණයෙන් භික්ෂුනී සසුන ස්ථාපිත කෙරේ.... බලංගොඩ කස්සප හිමි
ජාත්‍යන්තර මූල්‍ය අරමුදල ඊජිප්තුවට කළ දේ ලංකාවටත් කරයිද? - වෛද්‍ය වසන්ත බණ්ඩාරගෙන් අනාවරණයක්..
ඊශ්‍රායල් - ඉරාන ගැටුම නිසා මතුවන ලෝක අර්බූද.. - ආචාර්ය ජගත් චන්ද්‍රවංශ සිදුකරන විග්‍රහය..
ඊශ්‍රායලය නමින් රාජ්‍යයක් මැද පෙරදිග නැති වුණා නම් අමෙරිකාවට සිදුවෙන දේ ජ්‍යෙෂ්ඨ මාධ්‍යවේදී මොහාන් සමරනායක හෙළිකරයි.. (වීඩියෝ)
ගැටුම් කලාපයෙන්: ඉරානයේ සන්සුන් භාවය පිළිබඳ රුසියානු විශේෂඥයාගේ නිරීක්ෂණ සහ ඉරානයේ ඊළඟ පියවර
අනුර - මෝදි ගිවිසුම් වලට එරෙහිව ජාතික සංවිධාන විසින් ගොනුකරනු ලැබූ පෙත්සම ගැන අධිකරණය අද ලබාදුන් තීරණය මෙන්න..
කොළඹ නගරාධිපති ධුරය මාලිමාවට
ඊශ්‍රායලය, ප්‍රවේශම් වන්න: ඉරානය තවමත් එහි නවතම ආයුධ භාවිතා කර නැහැ!-ප්‍රවීණ යුද මාධ්‍යවේදී ඇලෙක්සි බෝර්සෙන්කෝ
විශ්‍රාමික ජනාධිපතිවරුන්ගේ වරප්‍රසාද කැපිල්ල රජයේ ක්‍රියාකාරී සැලැස්මෙන් හැලෙයි..
‘මේ අවුරුද්ද තුළ කිසිදු බදු අඩු කිරීමක් බැහැ’- මූල්‍ය අරමුදලෙන් රජයට කොන්දේසියක්
තමන් අත්අඩංගුවට ගෙන දිගු කලක් රදවා ගැනීමේ සූදානමක් ගැන ගම්මන්පිලගෙන් අනාවරණයක්..
ගාසා තීරය, ඉරානය හරහා ඉන්දියානු සාගරය වෙත එළඹෙන නව ලෝක යුධ වාතාවරණය ගැන ජාත්‍යන්තර භූගෝලීය විශ්ලේෂිකා ජිහාන් හමීඩ්ගෙන් අනතුරු ඇඟවීමක්..
ඊශ්‍රායලය සහ ඉරානය අතර පෙර නොවූ විරූ ගැටුම: මෙතෙක් අප දන්නා දේ
ඉරානයෙන් ඊශ්‍රායලයට දැවැන්ත බැලස්ටික් මිසයිල ප්‍රහාරයක්..
‘සීනි බද්ද රුපියල් 50 සිට ශත 25ක් තෙක් අඩු කිරීමේදී අපරාධමය වරදක් සිදුව නෑ’ - නීතිපති අධිකරණයට දන්වයි