පිටරටින් පැමිණි ඩිජිටල් උපදේශකයින් ආණ්ඩුව ගොනාට අන්දවා දත්ත පද්ධති කොල්ලයකට මඟ පාදයි.

Mar 22, 2025 at 09:00 AM

|

Lanka Leader

විදේශීය සමාගම්වලට සේවය කරමින් සිටි ඩිජිටල් විද්වතුන් යැයි කියාගන්නා පිරිසක් මාලිමා ආණ්ඩුවේ ජයග්‍රහණය බෙදා ගනිමින් ආණ්ඩුවට උපදෙස් දීමට ඉදිරිපත් වූ බව රහසක් නොවේ. එම ඊනියා විද්වතුන් විශේෂයෙන්ම දෙදෙනෙකු එතෙක් විදේශීය ආයතනවලට සේවය කළ අය බවද රහසක් නොවේ. 

මාලිමා ආණ්ඩුවේ ජයග්‍රහණයට පසුව එම විදේශිය සමාගම්වලින් වැටුප් ලබමින් ආණ්ඩුවට නොමිලේ උපදෙස් දෙන බවට ඔවුන්ට විරුද්ධව යම් ස්වාධීන විද්වතුන්ගෙන් චෝදනා එල්ල විය. දැන් එම චෝදනා සත්‍යයක්ද යන කරුණු සංවාදයට පැමිණ ඇත. 

ඊට හේතු වන්නේ ශ්‍රී ලංකාවේ රජයේ ප්‍රසම්පාදන ක්‍රියාවලිය හෙවත් රජය රටේ විශාලතම මිලදී ගන්නා ලෙස එම මිලදී ගැනීමේ ක්‍රියාවලියට අදාල සියලුම දත්ත කළමනාකරණය කිරීමේ වගකීම රටේ බදුගෙවන්නන්ගේ අරමුදල් යොදවමින් විදේශීය සමාගමකට පවරා පවරා දීමය. ඒ පිළිබඳව දේශිය විද්වතුන් සමග විවෘත සාකච්ඡාවක්ද සිදු නොවීය.  ඒ අනුව සිංගප්පුරුවේ Gennest  නැමති සමාගමට එම දත්ත පද්ධති කළමනාකරණය කිරීමේ වගකීම රජය විසින් පවරා දී ඇතිබව වාර්තාවේ. රජය විසින් එවැනි විදේශිය සමාගමකට රජයේ තොරතුරු සියල්ල ලබාගත හැකි ආකාරයට අදාල වගකීම පවරන්නේ ශ්‍රී ලංකා ටෙලිකොම් ආයතනයට එම පහසුකම් සැපයීමේ හැකියාව තිබියදී බව වාර්තා වේ. ඒ අනුව රජය විසින් ආයතන 6500කට අදාළ මිලදී ගැනීම් 450000ට අදාල දත්ත එම විදේශිය සමාගමට ලැබෙන ඇත.  

ඒ අනුව එම දත්ත යොදා ගනිමින් ශ්‍රී ලංකාවේ රජය විසින් මිලදී ගන්නා භාණ්ඩ සහ සේවා වෙළදාම විදේශිය සමාගම් විසින් අත්පත්කර ගැනීම සදහා තත්වය නිර්මාණය වේ.

ලංකා ලීඩර් වෙත අදහස් දැක්වූ රාජ්‍ය නිලධාරීන් සහ දේශිය කර්මාන්තකරුවන් විශාල පිරිසක් සදහන් කලේ දේශීය කර්මාන්තකරුවන් විසින් ඉල්ලා සිටි DOMESTIC PREFERENE මූලධර්මය හෙවත් රජය විසින් සිදුකරනා මිලදී ගැනීම් වලදී දේශීය නිෂ්පාදනවලට ප්‍රමුඛතාවය ලබාදිය යුතුය යන මූලධර්මය සිහිනයක් බවට පත්වන බවයි. 

ඔවුන් සදහන් කරන්නේ ඩොලර් දහස් ගණනින් වැටුප් ලැබූ ඔවුන් හදිසියේම වෙස්සන්තරලා වී නොමිලයේ ආණ්ඩුවට උපදෙස් දීමට ඉදිරිපත් වූයේ කුමන අරමුණක් සදහාද යන වග ආණ්ඩුව විසින් තේරුම් නොගන්නේනම් ජාතික ආරක්ෂාවට පවා තර්ජනයක් විය හැකි බවයි.