රට රැකගත් හමුදාව වෘත්තීමය හමුදාවක් නොවන බව ජනාධිපති පවසන්නේ කාගේ වුවමනාවකටද? විමල්ගෙන් ප්‍රශ්නයක්

Mar 3, 2025 at 03:02 PM

|

Lanka Leader

බලවත්ත්‍රස්තවාදී සංවිධානයක් පරාජයට පත්කරමින් මේ රටේ ඒකීය භාවය ආරක්ෂා කිරීමට ඇස්, ඉස්, මස්, ලේ දන්දුන් මෙරටේ ත්‍රිවිධ හමුදාව රජයට පක්ෂපාතී නොවන වෘත්තීමය හමුදාවක් නොවන බව ජනාධිපතිවරයා සේනාධිනායකවරයා ලෙස පැවසීම කාගේ වූමනාවට සිදුවූවක් දැයි ප්‍රශ්නයක් පැන නගින බව හිටපු පාර්ලිමේන්තු මන්ත්‍රී ජාතික නිදහස් පෙරමුණේ නායක විමල් වීරවංශ මහතා පවසයි. 

ඔහු මේ අදහස් පළකළේ අද (03) ඒම පක්ෂ මූලස්ථානයේදී පැවති මාධ්‍ය හමුවකට එක් වෙමිනි. 

එහිදී වැඩිදුරටත් අදහස් දැක්වූ විමල් වීරවංශ මහතා මෙසේද පැවසීය. 

''ජනාධිපති අනුර කුමාර දිසනායක මහත්තයා කියනවා අපේ රටේ හමුදාව රාජ්‍යයට පක්ෂපාතී, වෘත්තීමය හමුදාවක් බවට පත්කරනවා කියලා. එමගින් ඔහු නොකියා කියන්නේ මේ වනවිට තියෙන්නේ රාජ්‍යයට පක්ෂපාතී ානොවන වෘත්තීමය නොවන හමුදාවක් කියලා. ඔබ දන්නවා ජිනීවා මානව හිමිකම් කොමිසමෙත්, ඒ වගේම දෙමළ ඩයස් පෝරාවෙත් ප්‍රධාන චෝදනාවක් වුණේ පසුගිය යුද ගැටුම් පැවති සමයේ ශ්‍රී ලංකා ආරක්ෂක හමුදාවන් වෘත්තීමය හමුදාවකට නොගැලපෙන යුද අපරාධ සිදු කරන ලද හමුදාවක් ලෙසයි. ඔවුන්ට ඔ්න වුණා ඒ මතය අන්තර්ජාතිකව සනාථ කරන්න. දැන් ලංකා ඉතිහාසයේ පළමු වතාවට ජනාධිපතිවරයා, සේනාධිනායකවරයා, ආරක්ෂක අමාත්‍යවරයා  තම රාජ්‍යයේ හමුදාව රාජ්‍යයට පක්ෂපාතී නැති හමුදාවක් හැටියට අර්ථකථනය කරනවා. ඒ වගේම ඒ් හමුදාව වෘත්තීමය නොවන හමුදාවක් හැටියට ප්‍රකාශයට පත්කරනවා. අපි අහනවා එදා ඇස්, ඉස්, මස්, ලේ දන්දීලා භයානක ත්‍රස්තවාදයකින් මේ රට බේරාගත්තතේ ඒ්  වෘත්තීමය නොවන, රාජ්‍යයට පක්ෂපාතී නොවන හමුදාවද කියලා.