ගුවන්තනාමෝ නාවික කඳවුර වෙත සංක්‍රමනිකයන් යැවීම පිළිබඳ ඇමරිකානු නිවේදනය කියුබානු ජනාධිපතිවරයා හෙළා දකී

Jan 30, 2025 at 12:19 PM

|

Lanka Leader

කියුබානු ජනාධිපති මිගෙල් ඩියාස්-කැනෙල් ඊයේ(29) පවසා සිටියේ අමෙරිකාවෙන් පිටුවහල් කරන ලද සංක්‍රමණිකයන් පිරිස තිවිරෝධී ලෙස අත්පත් කරගත් කියුබානු භූමියක් වන ග්වාන්ටනාමෝ නාවික කඳවුරට යැවීමට එක්සත් ජනපදය විසින් කරන ලද නිවේදනය ම්ලේච්ඡ ක්‍රියාවක් බවයි.

"ම්ලේච්ඡ ක්‍රියාවක් ලෙස, නව එක්සත් ජනපද රජය නීතිවිරෝධී ලෙස අත්පත් කරගත් කියුබානු භූමියක පිහිටා ඇති ග්වාන්ටනාමෝ නාවික කඳවුරේ සිරගත කරන බව නිවේදනය කර ටිබෙනවා. සංක්‍රමනිකයන් බලහත්කාරයෙන් නෙරපා හරිනු ලබන්නේ  වධහිංසා සහ නීති විරෝධී රඳවා තබා ගැනීම් පිළිබඳ ප්‍රසිද්ධ බන්ධනාගාරයේය." ජනාධිපතිවරයා ඔහුගේ X ගිණුමෙහි සටහනක් තබමින් පවසා සිටී.

එලෙසම කියුබානු විදේශ අමාත්‍ය බෲනෝ රොඩ්‍රිගස් මහතාද එක්සත් ජනපද පරිපාලනයේ තීරණය හෙළා දුටු අතර, එක්සත් ජනපදය වධහිංසා සහ අවිනිශ්චිත රැඳවුම් මධ්‍යස්ථාන නිර්මාණය කළ ප්‍රදේශයට සංක්‍රමණිකයන් යැවීම මිනිසත්වයට සහ ජාත්‍යන්තර නීතියට අපහාසයක් කරන බවද පෙන්වා දුන්නේය.

නාවික කඳවුර පිහිටා ඇත්තේ එක්සත් ජනපද අධිකරණ බල ප්‍රදේශයෙන් පිටත, නීතිවිරෝධී ලෙස අත්පත් කරගෙන සිටින, කියුබානු භූමියක බව ඔහු සිය සටහන මගින් අවධාරණය කළේය.

එක්සත් ජනපද ස්වදේශ ආරක්ෂක ලේකම් ක්‍රිස්ටි නොයම් ඊයේ(30) හෙළි කළේ, ඔවුන්ගේ උපන් රටවලින් ප්‍රතික්ෂේප කර පිටුවහල් කරන ලද සංක්‍රමණිකයන් ග්වාන්ටනාමෝ වෙත යැවීම රජයේ සැලසුම බවයි.

ෆොක්ස් නිවුස් ජාලය සමඟ සම්මුඛ සාකච්ඡාවකදී, එක්සත් ජනපද නිලධාරියා පැවසුවේ ඩොනල්ඩ් ට්‍රම්ප්ගේ රජය “එක්සත් ජනපදය ආරක්ෂිතව තබා ගැනීම සඳහා අපගේ සියලු සම්පත් භාවිතා කළ හැකි ආකාරය” තීරණය කිරීමට පෙර “මේ මොහොතේ එය තක්සේරු කර විවාද කරමින් සිටින” බවයි.

එවකට ජනාධිපති ජෝර්ජ් ඩබ්ලිව්. බුෂ් (2001-2009) යටතේ, ත්‍රස්තවාදයට චෝදනා ලැබූවන් රඳවා තබා ගැනීම සඳහා 2002 දී එම ප්‍රදේශයේ බන්ධනාගාරයක් විවෘත කරන ලද අතර, මානව හිමිකම් උල්ලංඝනය කිරීම් පිළිබඳ පැමිණිලිවලට බන්ධනාගාරය ලක්ව තිබේ.