සරල උදෑසන ආහාර වේල බර ආහාර වේලක් කළ නූතන පරිභෝජනවාදයේ පියා එඩ්වඩ් බර්නේස්

Jan 14, 2025 at 11:01 PM

|

Lanka Leader

"මහජන සම්බන්ධතා වල පියා" ලෙස මෙන්ම "නූතන පරිභෝජනවාදයේ පියා"  ලෙස  හඳුන්වන  එඩ්වඩ් බර්නේස් යනු  නූතන මනෝ විද්‍යාවේ පියා ලෙස හඳුන්වන සිග්මන්ඩ් ෆ්‍රොයිඩ්ගේ බෑණනුවන්ය. ඔහු මානව මනෝවිද්‍යාව පිළිබඳ ඔහුගේ අවබෝධය උපයෝගී කරගනිමින් මහා ව්‍යාපාරිකයන්ගේ සහ දේශපාලන ප්‍රභූන්ගේ අවශ්‍යතා ප්‍රවර්ධනය කිරීම සඳහා නූතන පරිභෝජනවාදය සඳහා මූලික අඩිතාලම දැමූ පුද්ගලයාය. ඇමරිකානුවන්ගේ උදෑසන ආහාරය අද දකින්නට තිබෙන ආකාරයෙන් පෙනෙන්නේ මන්දැයි යන කාරණය සම්බන්ධයෙන් ස්තූති කිරීමට හෝ දොස් පැවරීමට පෙරට එන්වවට වඩා පහසුවෙන් සියල්ලන්ගේ  ඇස් ඇරෙන සුළු කාරණයක් තිබේ. "බීච් නට්"  නම් ඇසුරුම් සමාගම නිෂ්පාදනය කළ ප්‍රධාන නිෂ්පාදනයක් වන බේකන් අමෙරිකානු සමාජය තුළ ප්‍රචලිත කිරීම වෙනුවෙන් පොරබදමින් සිටියහ. අවසානයේදි කිසිදු ප්‍රගතියක් අත්පත් කරගැනීමට නොහැකි වූ තත්වයක් තුළ සමාගම එඩ්වඩ් බර්නේස්ගේ පිහිට පැතූහ. සාමාන්‍ය ඇමරිකානුවෙක් ඉතා සැහැල්ලු උදෑසන ආහාරයක් එනම් සාමාන්‍යයෙන් කෝපි හෝ පාන් සමඟ දොඩම් යුෂ අනුභව කිරීමට පුරුදුවී සිටියහ. එවැනි තත්වයක් යටතේ බර්නේස් සාමාන්‍ය ඇමරිකානුවෙකුට ඔවුන් අනුභව කළ යුතු දේ සත්‍යවශයෙන්ම තෝරා දිය යුත්තේ කවුරුන් විසින්දැයි විමසිලිමත් විය. එහිදී ඔහු එක්තරා අමෙරිකානු වෛද්‍යවරයෙකු මුණ ගැසී උදෑසන ආහාරයට සැහැල්ලු ආහාරයක් ගැනීමද බර ආහාරයක් ගැනීමද සුදුසු යන ප්‍රශ්නය නැගීය. එහිදී ඔහු පිලිතුරු ලෙස ලබා දුන්නේ රාත්‍රී නින්දේදී ශරීරයේ ශක්තිය වැයවන බැවින් දිවා කාලයට අවශ්‍ය ශක්තිය ලබා ගැනීමට උදෑසන ආහාර වේල බර ආහාරයක් විය යුතු බවයි. එහිදී එඩ්වඩ් බර්නේස් ඉතා උපක්‍රමශීලීව එම වෛද්‍යවරයා ලවා කිසිදු මුදලක් වැය නොකර ඔහුගේ මතය අනෙකුත් වෛද්‍යවරු පිලිගන්නේදැයි විමසීමට අමෙරිකාව පුරා සිටින වෛද්‍යවරු 5000ක් වෙත උදැසන ආහාර වේල සැහැල්ලු ආහාරයක් විය යුතුද බර ආහාරයක් විය යුතුද යන පැනය විමසා ලිපි යැවීය. එම ලිපියට අමෙරිකාව පුරා විසිරී සිටින වෛද්‍යවරු 4,500 ක් උදෑසන ආහාර වේල බර ආහාර වේලක් විය යුතු බවට තවුරු කර පිළිතුරු ලිපි එවූහ. එම ලිපිවල මතය භාවිත කර එඩ්වඩ් බර්නේස් අමෙරිකානු පුවත්වල  වෛද්‍යවරු බිත්තර සහ බේකන් ඇතුළත් බර උදෑසන ආහාරයක්, සැහැල්ලු උදෑසන ආහාරයට වඩා ප්‍රයෝජනවත් බව සොයාගත් බව පවසමින් දැන්වීම් ලිපි ආදිය පල කිරීමට කටයුතු කළයේ. ඒ අනුව සමස්ත ඇමරිකානු ජනයාගේ උදෑසන ආහාරයට බේකන් එකතු වීම උපත ලැබුවේය. එම තත්වය "බීච් නට්" සමාගමේ බේකන් අලෙවියෙහි විශාල වැඩිවීමකට හේතුවිය. 

එලෙසම එඩ්වඩ් බර්නේස්ට, ඇමරිකානුවාගේ උදෑසන ආහාරයට බේකන් සහ බිත්තර හඳුන්වා දීමේ (ආගෞරවය හිමි වේ.ම්අමෙරිකාවෙන් පටන් ගත් "උදැසන ආහාර වේලට බර ආහාරයක් ගන්න" යන කාරණය ලොව පුරා ප්‍රචලිත විය. අවසානයේදී "උදේට රජෙක් වගේ කන්න" යන කියමනද නිර්මානය වන්නට හෝ හිතා මතා නිර්මානය කරන්නට ඇතැයි සිතිය හැක.

උදෑසන ආහාරයේ කෙටි ඉතිහාසය සැකෙවින්

බොහෝ මිනිස් හැසිරීම් මෙන්ම, උදෑසන ආහාරයද ඉතිහාසය පුරා විලාසිතාවන්ට ගොදුරු වී තිබෙන බව මානව විද්‍යාඥයන්ගේ මතයයි. ඇති අතර එයින් බැහැර වී ඇත. ආහාර පිසීමේ වෙනස්කම් සමාජ සම්මතයන්, ආහාර සුරක්ෂිතතාව සහ සදාචාරාත්මක භීතිකාවන් ඇතුළු බොහෝ දේවල එම විලාසිතාවන් දක්නට හැකි බව මානව විද්‍යාඥයන්ගේ මතයයි.

දිනපතා උදෑසන ආහාර වේලක පළමු වාර්තාව පුරාණ ඊජිප්තුවෙන් හමුවේ. ඊජිප්තු ගොවීන් රැකියාවට යාමට පෙර උදෑසන බියර්, පාන් සහ ළූණු පරිභෝජනය කර ඇති බවට සාක්ෂි ඇතැයි පැවසේ. එය සාමාන්‍යයෙන් බර ආහාර වේලක් වූ අතර පුරාණ ඊජිප්තු ගොවියෝ දවස අවසන් වන තුරු නැවත කිසිවක් ආහාරයට ගෙන නැති බවද මානව විද්‍යාඥයන්ගේ මතයයි.

මධ්‍යතන යුගයේදි කතෝලික පල්ලිය විසින් උදෑසන ආහාරය ගැනීම "කෑදරකමක්" ලෙස සලකනු ලැබූ බැවින් එකල මිනිසුන් උදෑසන ආහාර වේල අනුභව ක්‍රීමෙන් වැලකී සිට ඇත. සාමාන්‍යයෙන් මහලු පුදගලයන් , අසනීප පුදග්ලයන්, දරුවන් සහ කම්කරු පිරිමින් පමණක් උදෑසන ආහාරය ගත් අතර ඔවුන්ට සාමාන්‍යයෙන් බර දහවල් ආහාර වේලට යාමට තරම් උවමනාවක් පැන නොනැගී ඇතැයි පැවසේ. 

උදෑසන ආහාරය යන පදය 15 වන සියවසේ යුරෝපයේ ආරම්භ වූ නමුත් උදෑසන ආහාර ගැනීම 1600 ගණන් වන තෙක් යුරෝපයේ දෛනික චාරිත්‍රයක් බවට පත් නොවීය. එසේ වී ඇත්තේ බොහෝ අය දිනපතා රැකියාවට යාමට ආරම්භ කළ කාලය වීම නිසායැයි කියවේ.

බේකන් සහ බිත්තර: එකට එකතු වීමට පෙර

ආහාර ඉතිහාසඥයින්ට අනුව, මිනිසුන් වසර මිලියන 6 ක් පමණ බිත්තර අනුභව කර ඇති අතර, මුලින් ඒවා කැලෑ පක්ෂීන්ගේ කූඩුවලින් රැගෙන අමුවෙන් අනුභව කර ඇත. ක්‍රි.පූ 3200 වන විට ඉන්දියාවේ බිත්තර නිෂ්පාදනය සඳහා කැලෑ පක්ෂීන් හීලෑ කරන ලද අතර, පුරාණ ඊජිප්තුව සහ පුරාණ චීනය කිකිළියන් හීලෑ කළ පළමු සමාජයන් බව සැලකේ.

බේකන් වල ඉතිහාසය ක්‍රි.පූ 1500 දක්වා දිවෙන අතර එය පැරණිතම සතුන්ගේ මස් වලින්  කපා සැකසූ ආහාරය බවට හඳුනාගෙන තිබේ. 'බේකන් ගෙදර ගෙන ඒම' යන වාක්‍ය ඛණ්ඩය ආරම්භ වූයේ 12 වන සියවසේ එංගලන්තයේ ය. විවාහක පුරුෂයෙකුට වසරක් තුළ තම බිරිඳ සමඟ වාද නොකළ බවට දෙවියන් වහන්සේ ඉදිරියේ දිව්‍රිය හැකි නම්, ඔහුට බේකන් කොටසක් පිරිනමනු ලැබේ. ඒ අනුව 'බේකන් ගෙදර ගෙන ඒම' මහත් ගෞරවයක් ලෙස සලකන්නට විය.

ලොව පුරා උදෑසන ආහාරය

බේකන් සහ බිත්තර මේ වන විට ඕනෑම තැනක පාහේ සොයාගත හැකි වුවද, බොහෝ රටවල උදෑසන ආහාරය ලෙස මතකයට එන පළමු ආහාරය එය නොවේ.

 මිසෝ සුප්, සුදු බත් සහ මාළු ජපානයේ පොදු ජනයාගේ උදෑසන ආහාරය වේ. ජපනුන්ගේ උදෑසන ආහාරය සාමාන්‍යයෙන් සැහැල්ලු ආහාර වේලක් වන අතර බොහෝ විට හරිත තේ සමඟ මුසුවනු ඇත.

ඉන්දියාවේ උදෑසන ආහාරය, ආහාර කලාපය අනුව වෙනස් වේ. නමුත් උදැසන ආහාරය සාමාන්‍යයෙන් දිවා ආහාරයේදී හෝ රාත්‍රී ආහාරයේදී අනුභව කරන ආහාර වලට සමාන වන අතර රොටි, තොසේ, කුළුබඩු සහිත අර්තාපල් හෝ විවිධ චට්නි එයට ඇතුළත් විය හැකිය.

නෝර්ඩික් රටවල් සාමාන්‍යයෙන් සීතල මස්, මාළු, චීස් හෝ එළවළු සමඟ උදෑසන ආහාරය සඳහා සැන්ඩ්විච් අනුභව කරයි.

ශක්ෂුකා යනු උතුරු අප්‍රිකාවේ ආරම්භ වූ උදෑසන ආහාරයකි. එය දැන් සමස්ථ මැද පෙරදිග පුරා ජනප්‍රිය වී තිබේ. එය තක්කාලි සෝස් එකක තැම්බූ බිත්තර වලින් සමන්විත වන අතර සාමාන්‍යයෙන් උණුසුම් පිටා හෝ නාන් සමඟ පිරිනමනු ලැබේ.