ජාතික කොඩිය රාජ්‍ය උත්සව අවස්ථාවක වැරදියට එසවීම එයට කරන අපහාසයක් මෙන්ම පැහැදිළිවම ආණ්ඩුක්‍රම ව්‍යවස්ථාවේ 6 වන වගන්තිය උල්ලංඝනය කිරීමක්- නීතිඥ සවනි රාජකරුණා
ජාතික ජන බලවේගය ආණ්ඩුව සමස්ත ශ්‍රී ලංකාවම සකලවිද ආකාරයෙන් පිරිසිදු කිරීමේ අරමුණින් ඉදිරිපත් කරන "ක්ලීන් ශ්‍රී ලංකා" වැඩසටහන කෘෂිකර්ම අමාත්‍යාංශය තුළ ක්‍රියාත්මක කිරීම වෙනුවෙන් පසුගිය ජනවාරි පළමු වැනිදා එම අමාත්‍යාංශයේ ප්‍රධාන කාර්යාලය වන ගොවි ජන මන්දිරයේදි පැවැත් වුණි. එම උත්සවය කෘෂිකර්ම නියෝජ්‍ය අමාත්‍ය නාමල් කරුණාරත්න මහතාගේ ප්‍රධානත්වයෙන් අමාත්‍යාංශ ලේකම්වරයා ඇතුළු නිළධාරීන්ගේ සහභාගීත්වයෙන් පැවැත්වුනි. එහිදී උත්සවය ආරම්භ කිරීමට ප්‍රථමයෙන් අමාත්යවරයා සහ ලේකම්වරයාගේ මූලිකත්වයෙන් ජාතික කොඩිය එසවීම සිදු කරනු ලැබුවේය. කෙසේ වුවද ජාතික කොඩිය එල්ලා තිබුණේ කොඩියේ ඇති සිංහයාගේ වලිගය කොඩි කණුව දෙසට වන්නටය. එය ශ්‍රී ලංකාවේ ජාතික කොඩියට කරනු ලබන අපහාසයක් ලෙසට සමාජය තුළ බරපතල ලෙස සාකච්ඡාවට බඳුන් වෙමින් තිබේ. ඒ අනුව ජාතික කොඩිය එසවීම සහ එය පරිහරණය කිරීමේදී අනුගමනය කළ යුතු ක්‍රියාදාමයේ නීතිමය ස්වභාවය සම්බන්ධයෙන් අප නීතිඥ සවනි රාජකරුණා මෙනෙවියගෙන් විමසා සිටියෙමු. එහිදී ඇය දැක්වූ අදහස් පහත පරිදිය...
" 19 ව්‍යවස්ථා සංශෝධන පනත් කෙටුම්පතේ 5 33 (1) වගන්තියෙහි ජනාධිපතිවරයා ජාතික සමගියේ සංකේතය විය යුතුය යනුවෙන් සඳහන් වූවා. එහිදී ජ්‍යෙෂ්ඨ නීතිඥ කණිෂ්ක විතාරණ මහතා ඉතා වැදගත් තර්කයක් ඉදිරිපත් කළා. ඒ බව ගරු අධිකරණය විසින් ලබා දුන් තීන්දුවේ සඳහන් කර ඇත්තේ මෙසේය.,
'අපේ ජාතික කොඩියේ ආරම්භය ජාතික කොඩිය සම්බන්ධයෙන් වූ කමිටු වාර්තාවක් මත පදනම් වූවක් බව නීතිඥ කනිෂ්ක විතාරණ මහතා අධිකරණයට කරුණු ඉදිරිපත් කරනු ලැබුවා. එහිදී, කණිෂ්ක විතාරණ මහතා අධිකරණය හමුවේ කරුණු ගොනු කරමින් පෙන්වා දුන්නේ 1979 දී ජාතික කොඩිය භාවිත කිරීම සම්බන්ධයෙන් රාජ්‍ය අමාත්යවරයා විසින් අමාත්‍ය මණ්ඩල සංදේශයක් ඉදිරිපත් කර 1981 දී අමාත්‍ය මණ්ඩලය විසින් අනුමත කරන ලද පටිපාටියක් තිබෙන බවයි. එම පටිපාටියට අනුව අප සෑම කෙනෙකුම ජාතික කොඩිය ගැන වඩාත් ගැඹුරින් සිතිය යුතුයි. අපගේ ජාතික කොඩිය අපගේ නෙත ගැටෙන විට අපගේ උරහිස් ස්වයංක්‍රීයව සෘජු වනු ඇත. අපගේ හදවත් මේ අපේ මව්බිම යන සිතුවිල්ලෙන් පිරී යයි. මේ අනුව, ජාතික කොඩියෙන් ලබා දෙන පණිවිඩය සහ එහි වැදගත්කම පහත පරිදි වේ:-
ජාතික කොඩියට ගරු කරන්න, එය ඔබව දිරිමත් කරනු ඇත. ජාතික කොඩියේ මූලික පණිවිඩය මෙයයි. එය සෑම ශ්‍රී ලාංකිකයෙකුටම ළඟා විය යුතු පණිවිඩයක් වන්නේ ජාතික කොඩිය අපගේ මාතෘ භූමියේ, අපගේ නිදහසේ සහ අපගේ ජනතාවගේ එකමුතුකමේ සංකේතයක් වන නිසයි. එලෙසම ජාතික කොඩිය ජාතියේ අනාගතය පිළිබඳ අපගේ බලාපොරොත්තු සහ අභිලාෂයන්හි සංකේතයකි. මේ අනුව ජාතික කොඩිය අපේ ජනතාවගේ එකමුතුකමේ සංකේතය බව නිශ්චිතවම ප්‍රකාශ කර ඇත. ඉහත කරුණු සලකා බැලීමේදී 5 වැනි වගන්තියේ 33 (1) ඡේදය වැරදි බවත් (ජනාධිපතිවරයා ජාතික සමගියේ සංකේතය බවට වන වගන්තිය) ඉවත් කළ යුතු බව අපගේ අදහසයි.' යනුවෙන් ගරු ශ්‍රේෂ්ඨාධිකරණය විසින් තීන්දු කර ඇත.
එලෙසම ආණ්ඩුක්‍රම ව්‍යවස්ථාවේ 6 වැනි වගන්තිය වෙන් වන්නේ ජාතික කොඩිය වෙනුවෙන්මය. එම වගන්තියේ, ශ්‍රී ලංකා ජනරජයේ ජාතික කොඩිය දෙවන උපලේඛනයේ දැක්වෙන සිංහ කොඩිය විය යුතුය යනුවෙන් පැහැදිලිවම දක්වා තිබෙනවා.
එලෙසම, ශ්‍රී ලංකාවේ ජාතික කොඩිය නිවැරදිව ප්‍රදර්ශනය කිරීම සඳහා වන රීතිය "ජාතික කොඩිය භාවිතා කිරීම සඳහා වූ රීති සංග්‍රහය" 1987/02/04 ස්වදේශ කටයුතු අමාත්‍යාංශය විසින් ප්‍රකාශයට පත් කරන ලැබුවා. එලෙසම "ශ්‍රී ලංකා ප්‍රමිති ආයතනය ජාතික කොඩිය භාවිතයේ සඳහා සම්පූර්ණ විස්තර විභාගය ශ්‍රී ලංකාවේ ජාතික කොඩිය SLS 1: 2020 ලෙස නිවැරදිව ලේඛනගත කර තිබෙනවා.
එම රීති සංග්‍රහයේ 6(ඈ) රීතියේ පැහැදිළිවම නියම කර ඇත්තේ ජාතික කොඩිය ඔසවා තැබිය යුත්තේ එහි සිරස් තීරු දෙක කොඩිගහ දෙසට පිහිටන පරිද්දෙන් විය යුතු බවය. එම පිහිටීම රීතින්වල 2 වන රූප සටහනේ පෙන්වා දී තිබේ. ජාතික කොඩිය එසවිය යුතු ආකාරය, එසවිය යුතු අවස්ථා, එහි ප්‍රමාණය යනාදි සියලු කාරණා පනවා ඇති රීතින් වලට අනුව විය යුතුය. මෙම රීති ආණ්ඩුක්‍රම ව්‍යවස්ථාවේ 6 වන වගන්තිය සමග බලාත්මක විය යුතු බව ඉහත සඳහන් ශ්‍රේෂ්ඨාධිකරණය තීරණය අනුව පැහැදිලිය. ජාතික කොඩිය එම රීතින්වලට අනුකූලව පාවිච්චි කිරීමට සෑම පුරවැසියෙක්ම ව්‍යවස්ථාමය වශයෙන් බැඳී සිටියි.
ඒ අනුව ජාතික කොඩියේ සිරස් තීරු දෙක කොඩි ගසට විරුද්ධ දෙසින් පිහිටන පරිදි එසවීම ජාතික කොඩිය එසවීම පිළිබඳ රීති සංග්‍රහය සමග කියවිය යුතු ආණ්ඩුක්‍රම ව්‍යවස්ථාව (6 වන ව්‍යවස්ථාව) උල්ලංඝනය කිරීමක් බව නීතිඥවරියක ලෙස අවධාරණය කරනවා."
සම්බන්ධිත පුවත් | Related News
ප්‍රධාන පුවත්
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්