අමෙරිකාවේ නිව් ඕර්ලියන්ස් හි ප්‍රහාරය සහ ලාස් වේගාස් හි පිපිරීම නව වසර ආරම්භයේදීම එක්සත් ජනපදය දෙදරුම් කෑමකට ලක්වෙයි
ඊයේ(01) අලුයම එක්සත් ජනපදයේ දකුණු ප්‍රදේශයේ පිහිටි ලුසියානා ප්‍රාන්තයේ නිව් ඕර්ලියන්ස් හිදි පැවැති අලුත් අවුරුද්ද උදාවීම වෙනුවෙන් පැවැත්වූ විනෝදාස්වාදය සපයමින් තිබූ ස්ථානයක් වෙත පුද්ගලයෙකු පිකප් ට්‍රක් රථයක් ධාවනය කිරීම හේතුවෙන් මියගිය සංඛ්‍යාව 15 දක්වා ඉහළ ගොස් ඇති බව අමෙරිකානු බලධාරීන් මාධ්‍ය හමුවක් පවත්වමින් මියගිය ගණන යාවත්කාලීන කළ විදෙස් ප්‍රවෘත්ති සේවා පවසයි.
ෆෙඩරල් විමර්ශන කාර්යාංශයට අනුව, පිකප් රථයේ අසුරා තබන ලද වැඩි දියුණු කළ පුපුරණ ද්‍රව්‍ය අඩංගු භාජන දෙකක් සොයාගත් බව තහවුරු වී තිබේ. ප්‍රහාරකයින් ත්‍රස්තවාදී සංවිධාන සමඟ තිබිය හැකි සම්බන්ධතා පිළිබඳව විමර්ශනය කරමින් සිටින බව නිලධාරීන් අනාවරණය කළ බවද එම ප්‍රවෘත්ති සේවා පවසයි. එම ස්ථානයේදීම පොලිසිය විසින් වෙඩි තබා ඝාතනය කරන ලද සැකකරු ප්‍රහාරයට "එකම වගකීමක්" දරනු ලබන පුද්ගලයා නොවනු ඇතැයිද විදෙස් ප්‍රවෘත්ති සේවා පවසයි.
මේ අතර නිව් යෝර්ක් ටෛම්ස් පුවත් පත වාර්තා කරන ආකාරයට ඊයේ(01) සිදුවූ මෝටර් රථ ප්‍රහාරයේ සැකකරු හිටපු එක්සත් ජනපද හමුදා ප්‍රවීණයෙකු වන ෂම්සුඩ්-ඩින් ජබ්බාර් වන අතර ඔහුගේ වාහනයේ අයිඑස්අයිඑස් ධජයක්ද තිබී ඇතැයි පැවසේ. ජබ්බාර් විශ්‍රාම ගැනීමෙන් පසු දේපල වෙළඳාම් වල නිරත වූ නමුත් මෑතකදී ඔහුගේ හැසිරීම් අවුල් සහගත වූ බැවින් ඔහුගේ පවුලේ අය ඔහුගේ දරුවන් සමඟ ඔහුට සම්බන්ධතා පැවැත්වීම සීමා කිරීමට පවා පෙලඹ තිබුණි. ඔහුට සහායකයින් සිටිය හැකි බවට එෆ්බීඅයි ආරක්ෂක සේවය සැක කරන අතර විමර්ශනය සිදුවෙමින් පවතී.
එන්බීසී ප්‍රවෘත්ති සේවයට අනුව, එක්සත් ජනපද ජනාධිපති ජෝ බයිඩන් ජාතිය අමතමින්, Fඹෛ තොරතුරු උපුටා දක්වමින් නිව් ඔර්ලියන්ස් ප්‍රහාරයේ සැකකරු සමාජ මාධ්‍ය වල පළ කළ වීඩියෝ පෙන්වමින්, ඔහු ISIS වෙතින් දේවානුභාවයෙන්, ඝාතනය කිරීමට ආශාවක් තිබෙන බව ප්‍රකාශ කළ බව පැවසීය.
“ඔහුගේ වාහනයේ තිබී ISIS ධජය සොයා ගනු ලැබුවා.” බයිඩන් වැඩිදුරටත් පැවසීය.
මේ අතර හොනොලුලු නගරයේ සහ ජනාධිපති ලෙස තේරී පත් වූ ඩොනල්ඩ් ට්‍රම්ප්ට අයත් ලාස් වේගාස් හි පිහිටි හෝටලයක් පිටත ද මාරාන්තික පිපිරීම් සිදු විය. ලාස් වේගාස් පිපිරීම නිව් ඕර්ලියන්ස් ප්‍රහාරයට සම්බන්ධද යන්න පිළිබඳව FIB සොයා බලන නමුත් ඊයේ(01) සවස වන විටත් “වාර්තා කිරීමට තරම් කිසිවක් නොමැති” බව බයිඩන් පැවසීය.
සැකකටයුතු පිපිරුම ත්‍රස්තවාදී ප්‍රහාරයක් විය හැකි බවට විමර්ශනය කරමින් පවතින බව, ජ්‍යෙෂ්ඨ නීතිය ක්‍රියාත්මක කරන සාමාජිකයින් තිදෙනෙකු මේ පිළිබඳව කරුණු පැහැදිලි කර ABC ප්‍රවෘත්ති සේවයට පැවසීය. චේතනාවක් තවම තහවුරු කර නැත.
ලාස් වේගාස් හි ට්‍රම්ප් හෝටලයෙන් පිටත පුපුරා ගිය ටියුරෝ ප්‍රදේශයෙන් කුලියට ගත් ටෙස්ලා සයිබර් ට්‍රක් රථයක් වන අතර පිපිරීමෙන් එක් පුද්ගලයෙකු මිය ගොස් අවම වශයෙන් තවත් හත් දෙනෙකුට තුවාල සිදුවී තිබේ.
ටෙස්ලා ප්‍රධාන විධායක නිලධාරී එලොන් මස්ක් බදාදා(01) පැවසුවේ කුලියට ගත් සයිබර් ට්‍රක් රථයෙහි පිපිරීමට හේතු වී ඇත්තේ ට්‍රක් රථයෙහි තට්ටුවේ අතුරා තිබුණු බෝම්බයක් නිසා බවයි.
එක්සත් ජනපද මාධ්‍ය වාර්තා වලට අනුව නිව් ඕර්ලියන්ස් හි ප්‍රහාරය ISIS සමඟ යම් සම්බන්ධතා ඇති බව පෙනේ. මෑත වසරවලදී, ISIS සිය ගෝලීය ප්‍රචාරක ප්‍රයත්නයන් වේගවත් කර ඇත, විශේෂයෙන් එක්සත් ජනපදය ඇෆ්ගනිස්ථානයෙන් ඉවත් වීමෙන් පසුව මෙම කටයුතු සිදුවන බව ළන්zහොඋ විශ්ව විද්‍යාලයේ දේශපාලන හා ජාත්‍යන්තර සබඳතා පිළිබඳ පාසලේ මහාචාර්ය Zhu Yongbiao පැවසීය.
කණ්ඩායම එහි බඳවා ගැනීම් සහ බලමුලු ගැන්වීම සඳහා අන්තර්ජාලය භාවිතා කරමින්, ඊනියා "ශුද්ධ යුද්ධ" සිදු කරන ලෙස එහි ආධාරකරුවන්ගෙන් ඉල්ලා සිටී. අපරාධකරුවන් සඳහා, මිනිසුන් එක්රැස් වන නිශ්චිත වේලාවක ප්‍රහාර දියත් කිරීම සන්ත්‍රාසය සහ කම්පනය උපරිම කිරීමේ උපාය මාර්ගයක් බව ෂු බ්‍රහස්පතින්දා චීන ප්‍රවෘත්ති සේවා වෙත පැවසීය.
9/11 ප්‍රහාරයේ සිට, එක්සත් ජනපදය බිහිසුණු ත්‍රස්තවාදී ප්‍රහාර රාශියකට මුහුණ දී ඇති අතර, එවැනි සිදුවීම්වල තර්ජනද පවතී. ත්‍රස්තවාදය එක්සත් ජනපදයට පමණක් නොව යුරෝපයට සහ ලොව පුරා අනෙකුත් කලාපවලට ද සැලකිය යුතු අවධානයක් යොමු කරයි. නිවාඩු දිනවල, සැමරුම් සහ විවිධ උත්සව සඳහා සෙනඟ එක්රැස් වන රැස්වීම් වැඩිවන විට, ආරක්ෂක අංශ වලට ඉහළ අභියෝග එල්ල කරන බව විශේෂඥයා සඳහන් කළේය.
දෙසැම්බර් මස අගදී, සෞදි මනෝචිකිත්සකයෙකු ජර්මානු නත්තල් වෙළඳපොලක් හරහා හිතාමතාම කුලියට ගත් BMW SUV රථයක් පැදවූ අතර, පස් දෙනෙකු මිය ගොස් 200 කට වැඩි පිරිසක් තුවාල ලබා ඇත. ඔහුගේ චේතනාව තවමත් විමර්ශනය වෙමින් පවතී, USA Today පළාත් පාලන ආයතන උපුටා දක්වමින් වාර්තාවක් පල කරමින් පැවසුවේය.
දශක දෙකකට ආසන්න කාලයක් ජර්මනියේ ජීවත් වූ 50 හැවිරිදි මනෝ වෛද්‍යවරයකු වන සැකකරු එම ස්ථානයේදීම අත්අඩංගුවට ගත් බව රොයිටර් පුවත් සේවය වාර්තා කළේය.
සම්බන්ධිත පුවත් | Related News
ප්‍රධාන පුවත්
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..