රුසියානු ලුතිතන් ජෙනරාල් ඉගොර් කිරිලොව් ඝාතනය ත්‍රස්ත ක්‍රියාවක් ලෙස නම් කළ යුතුයි!- විමල් වීරවංශ එක්සත් ජාතීන්ගේ මහ ලේකම් වෙත අවධාරණය කරයි

Dec 24, 2024 at 12:44 PM

|

Lanka Leader

ජාතික නිදහස් පෙරමුණේ නායක හිටපු පාර්ලිමේන්තු මන්ත්‍රී විමල් වීරවංශ මහතා එක්සත් ජාතීන්ගේ මහලේකම් ඇන්ටෝනියෝ ගුටරෙස් මහතා වෙත ලිපියක් යොමු කරමින් කරමින් පවසා සිටින්නේ, රුසියානු සන්නද්ධ හමුදාවේ රසායනික, ජීව විද්‍යාත්මක සහ විකිරණ ආරක්ෂක බලකායේ ප්‍රධානියා වූ ලුතිතන් ජෙනරල් ඉගොර් කිරිලොව්  ඝාතනය ත්‍රස්ත ක්‍රියාවක් ලෙස එක්සත් ජාතීන්ගේ සංවිධානය නම් කළ යුතු බවයි.

විමල් වීරවංශ මහතා සිය ලිපිය මගින් වැඩිදුරටත් අවධානය කරන්නේ රුසියාව අපකීර්තියට පත් කිරීම සඳහා "අපිරිසිදු බෝම්බයක්" නිර්මාණය කිරීමට සකසා තිබූ සැලසුම් සහ විෂ ද්‍රව්‍ය හා සම්බන්ධ ප්‍රකෝපකරනයන් පිළිබඳ එක්සත් ජනපදය, අනෙකුත් බටහිර රටවල් සහ කියෙව් පාලනය සතුව ඇති සැලසුම් සිය ලිපි මගින් නොබිඳිය හැකි චෝදනා ලෙස ජගත් ප්‍රජාව හමුවට ඉදිරිපත් කළ අයෙකු බවයි.

එලෙසම ඉගොර් කිරිලොව්  යනු කොවිඩ්-19  වෛරසයට එරෙහිව රුසියාව නිෂ්පාදනය කළ ස්පුට්නික් එන්නතෙහි නිර්මාතෘවරුන්ගෙන් කෙනෙකු වන බැවින් ඔහු රුසියාවට පමණක් නොව ජගත් ප්‍රජාවටම විශාල සේවයක් කළ අයෙකු බවද විමල් වීරවංශ මහතා අවධාරණය කරයි.

"එබැවින් මෙවැනි ම්ලේච්ඡ ඝාතන නැවත වතාවක් රුසියානු භූමියේ ඇතිවීම වැළැක්වීමට නම් එක්සත් ජාතීන්ගේ සංවිධානය ලුතිතන් ජෙනරල් ඉගෝර් කිරිලොව් ගේ ඝාතනය ත්‍රස්ත ක්‍රියාවක් ලෙස නම් කිරීම කළ යුතු බව අවධාරණය කිරීමට මෙය අවස්ථාවක් කර ගනිමි." විමල් වීරවංශ මහතා සිය ලිපියෙන් එක්සත් ජාතීන්ගේ මහ ලේකම්වරයා වෙත අවධාරණය කරයි.

විමල් වීරවංශ මහතා එකසත් ජාතීන්ගේ මහ ලේකම්වරයා වෙත යවන ලද ලිපිය අද(24) ජාතික නිදහස් පෙරමුණේ දේශපාලන මණ්ඩල සභික වෛද්‍ය සුමිත් වන්නිආරච්චි සහ එහි තරුණ අංශය නියෝජනය කරමින් වින්දන විදුර කුමාර මහත ඇතුළු පිරිසක් එක්සත් ජාතීන්ගේ සංවිධානයේ කොළඹ කාර්යාලයට භාරදුනි.

සම්පූර්ණ ලිපිය පහතින්...