යුක්රේනයේ යුද උන්මාදයට එරෙහි මොස්කව් ප්රතිචාරය පුටින් ගෙනහැර දක්වයි (සම්පූර්ණ කථාව).
ජනාධිපති ව්ලැඩිමීර් පුටින් ඕනෑම ආක්රමණයකට තීරණාත්මක ප්රතිචාරයක් ලබා දෙන බවට ශපථ කර ඇති අතර, යුක්රේනය සහ රුසියාව අතර යුද ආතතිය උත්සන්න කිරීම සම්බන්ධයෙන් බටහිර රටවල මැදිහත් වීම විවේචනය කරනු ලැබීය. එලෙසම, යුක්රේන ගැටුම විසඳීම සඳහා සාම සාකච්ඡා වල නිරත වීමට මොස්කව්හි ඇති කැමැත්ත නැවත අවධාරණය කරනු ලැබ ඇත. ක්රෙම්ලිනය විසින් ප්රකාශයට පත් කරන ලද පුටින් විසින් කරන ලද ප්රකාශයක මේ බව දක්වා තිබේ.
ක්රෙම්ලිනය විසින් මාධ්යට නිකුත් කරන ලද පුටින් කළ ප්රකාශය පහත දැක්වේ.
විශේෂ හමුදා මෙහෙයුමේ කලාපයේ මේවන විට සිදුවෙමින් පවතින සිදුවීම්, විශේෂයෙන් බටහිර විසින් යුක්රේනයට සැපයූ දිගු දුර ආයුධ වලින් අපගේ භූමියට එරෙහි ප්රහාර එල්ල කිරීමෙන් පසුව, රුසියානු සමූහාණ්ඩුවේ සන්නද්ධ හමුදාවන්හි හමුදා නිලධාරීන්ට, අපේ රටේ පුරවැසියන්ට, ලොව පුරා සිටින අපගේ මිතුරන්ට සහ රුසියාවට උපායමාර්ගික පරාජයක් ලබා දිය හැකිය යන මිත්යාවේ වෙලී සිටින සියලු දෙනා වෙත මෙලෙස අපගේ ස්ථාවරය ප්රකාශ කරමි.
බටහිරයන් විසින් උසිගැන්වීම හේතුවෙන් යුක්රේන-රුසියා ගැටුම උත්සන්න වීම, එක්සත් ජනපදය සහ එහි නේටෝ සහචරයින් රුසියානු සමූහාණ්ඩුව තුලට ප්රහාර එල්ල කිරීම සඳහා ඔවුන්ගේ දිගු-දුර අධි-නිරවද්ය අවි භාවිතා කිරීමට අවසර දෙන බව පසුගියදා නිවේදනය කිරීමත් සමග තීව්ර වී තිබේ. යුද විශේෂඥයන් හොඳින් දන්නා පරිදි රුසියානු පාර්ශවය නැවත නැවතත් අවධාරණය කරනු ලැබ ඇත්තේ, ඉහත කී යුද අවි නිෂ්පාදනය කරන ජාතීන්ගේ මිලිටරි විශේෂඥයින් සෘජුව මැදිහත්වීමකින් තොරව එවැනි ආයුධ භාවිතා කිරීම කළ නොහැකි බවයි.
පසුගිය නොවැම්බර් 19 වෙනිදා, එක්සත් ජනපදය විසින් නිෂ්පාදනය කරන ලද ATACMS උපායික බැලස්ටික් මිසයිල හයක් මගින් සහ නොවැම්බර් 21 දින, එක්සත් ජනපදය විසින් නිෂ්පාදනය කරන ලද බ්රිතාන්ය ස්ටෝම් ෂැඩෝ පද්ධති සහ HIMARS පද්ධති යොදාගෙන කළ ඒකාබද්ධ මිසයිල ප්රහාරයන් මගින්, රුසියානු සමූහාණ්ඩුවට අයත් බ්රයන්ස්ක් කලාපයේ සහ කර්ස්ක් කලාපයේ ස්ථානගත කර ඇති හමුදා පහසුකම් වලට පහර දෙනු ලැබුවා.එතැන් සිට, මීට පෙර අප විසින් නැවත නැවතත් අවධාරණය කර ඇති පරිදි, බටහිර විසින් කුපිත කිරීම හේතුවෙන් හටගත් යුක්රේනයේ කලාපීය ගැටුම ගෝලීය ගැටුමක් ලෙස උපකල්පනය කර ඇත. අපගේ ගුවන් ආරක්ෂක පද්ධති මෙම ආක්රමණවලට සාර්ථකව ප්රතිප්රහාර එල්ල කළ අතර සතුරාට ඔවුන්ගේ අපේක්ෂිත අරමුණු සාක්ෂාත් කර ගැනීමට නොහැකි තත්වයක් උදා කළේය.
ATACMS මිසයිලවල සුන්බුන් වැටීම හේතුවෙන් බ්රයන්ස්ක් කලාපයේ පතොරම් ගබඩාවේ ඇති වූ ගින්න ජීවිත හානි හෝ සැලකිය යුතු හානියකින් තොරව නිවා දමා ඇත. කර්ස්ක් කලාපයේ, ප්රහාරය අපගේ උතුරු කණ්ඩායමේ එක් අණදෙන ඒකකයකක් ඉලක්කයට ලක් විය. අපගේ කනගාටුවට හේතු වූ කරුණක් නම්, ප්රහාරයෙන් සහ ඉන් පසුව ඇති වූ ගුවන් ආරක්ෂක සටනේ ප්රතිඵලයක් ලෙස දේශ සීමා ආරක්ෂක ඒකක සහ සේවා කාර්ය මණ්ඩල වල නිලධාරින්ට ජීවිත හානි සහ තුවාල සිදු වීමය. කෙසේ වෙතත්, පාලන මධ්යස්ථානයේ සහ මෙහෙයුම් කාර්ය මණ්ඩලයට කිසිදු හානියක් සිදු නොවූ අතර, කර්ස්ක් කලාපයෙන් සතුරු ඒකක තුරන් කිරීම සහ පලවා හැරීම සඳහා අපගේ හමුදාවන් මෙහෙයුම් ඵලදායි ලෙස කළමනාකරණය කරමින් සිටිති.
බටහිරින් සපයන එවැනි ආයුධ සතුරා විසින් භාවිතා කිරීම විශේෂ හමුදා මෙහෙයුම් කලාපයේ සිදුවන සටන් මෙහෙයුම් සඳහා බලපෑ නොහැකි බව නැවත වරක් අවධාරණය කිරීමට කැමැත්තෙමි. මේ වන විට අපගේ හමුදාවන් සමස්ත සම්බන්ධතා රේඛාව ඔස්සේ සාර්ථක ප්රගතියක් ලබා ඇති හෙයින් අප විසින් ඉලක්ක කර ඇති සියලු අරමුණු ඉටු වනු ඇත.
ඇමරිකානු සහ බ්රිතාන්ය දිගු දුර ආයුධ යෙදවීමට ප්රතිචාර වශයෙන්, නොවැම්බර් 21 දින, රුසියානු සන්නද්ධ හමුදා යුක්රේනයේ ආරක්ෂක කාර්මික සංකීර්ණය තුළ පිහිටි යුද හමුදා සැපැයුම් මධ්යස්ථානයකට ඒකාබද්ධ ප්රහාරයක් එල්ල කරනු ලැබීය. පාලිත තත්වයන් තුළ, අපි රුසියාවේ නවතම මධ්යම දුර මිසයිල පද්ධතියක පරීක්ෂණ ද සිදු කළෙමු. ඒවා, අපගේ ඉංජිනේරුවන් ඔරෙෂ්නික් ලෙස නම් කරන ලද න්යෂ්ටික නොවන හයිපර්සොනික් බැලස්ටික් මිසයිලයක් රැගෙන යමින් පරීක්ෂණ සාර්ථක බව තහවුරු කර ඇත. ඒ අනුව දියත් කිරීමේ අපේක්ෂිත අරමුණ සාක්ෂාත් කර ගනිමින් පරීක්ෂණ සාර්ථක වී තිබේ. යුක්රේනයේ Dnepropetrovsk නගරයේ, මිසයිල සහ අනෙකුත් ආයුධ නිෂ්පාදනය අඛණ්ඩව සිදු කරන සෝවියට් සමූහාණ්ඩුවේ යුගයේ සිට පැවැති විශාලතම හා වඩාත්ම ප්රසිද්ධ කාර්මික සංකීර්ණ වලින් එකක් මේ ප්රහාර වලින් හානි සිදුව තිබෙන බව තහවුරු වී තිබේ..
යුරෝපයේ සහ ආසියා පැසිෆික් කලාපයේ අතරමැදි දුර සහ කෙටි දුර මිසයිල නිපදවීමට සහ යෙදවීමට එක්සත් ජනපද සැලසුම් වලට ප්රතිචාර වශයෙන් අපි අතරමැදි දුර සහ කෙටි දුර මිසයිල සංවර්ධනය කරමින් සිටිමු. කිසිදු සම්බන්ධයක් නැති ව්යාජ හේතු ඉදිරිපත් කරමින් 2019 දී INF(Intermediate-range Nuclear Forces) ගිවිසුම ඒකපාර්ශ්විකව කඩා බිඳ දැමීමෙන් එක්සත් ජනපදය වැරැද්දක් කර ඇති බව අපි විශ්වාස කරමු. අද, එක්සත් ජනපදය එවැනි උපකරණ නිෂ්පාදනය කරනවා පමණක් නොව, අපට පෙනෙන පරිදි, එහි හමුදා සඳහා පුහුණු අභ්යාසවලදී යුරෝපය ඇතුළු ලෝකයේ විවිධ ප්රදේශවලට එහි දියුණු මිසයිල පද්ධති යෙදවීමට ක්රම සකස් කර තිබේ. එපමණක් නොව, මෙම අභ්යාස අතරතුර, ඔවුන් ඒවා භාවිතා කිරීම සඳහා පුහුණුවක්ද ලබා දෙති.
ලෝක ජනයා දැනුවත් කිරීමක් ලෙස, රුසියාව ස්වේච්ඡාවෙන් හා ඒකපාර්ශ්විකව මේ ආකාරයේ එක්සත් ජනපද ආයුධ ලෝකයේ ඕනෑම කලාපයක ස්ථානගත කරන තුරු අතරමැදි දුර සහ කෙටි දුර මිසයිල රැඳවීම් නොකිරීමට කැපවී ඇති බව දන්වා සිටිමි.
නැවත අවධාරණය කිරීම සඳහා, අපි රුසියාවට එරෙහිව නේටෝවේ ආක්රමණශීලී ක්රියාමාර්ගවලට ප්රතිචාර වශයෙන් Oreshnik මිසයිල පද්ධතියේ ප්රහාරක හැකියාව සම්බන්ධ පරීක්ෂණ පවත්වමු. අතරමැදි පරාස සහ කෙටි දුර මිසයිල තවදුරටත් යෙදවීම පිළිබඳ අපගේ තීරණය එක්සත් ජනපදයේ සහ එහි සහචරයන්ගේ ක්රියාමාර්ග මත රඳා පවතින බව අවධාරණය කරමු.
රුසියානු සමූහාණ්ඩුවේ ආරක්ෂාවට ඇති තර්ජන මත පදනම්ව අප සතු දියුණු මිසයිල පද්ධතිවල කරනු ලබන වැඩිදුර පරීක්ෂණ වලදී අපි ඉලක්ක තීරණය කරන්නෙමු. අපගේ ආර්ථිකමය, යුදමය ආදී මර්මස්ථානවලට එරෙහිව යුක්රේනයට ආයුධ භාවිතා කිරීමට ඉඩ දෙන රටවල හමුදා පහසුකම්වලට එරෙහිව අපගේ ආයුධ භාවිතා කිරීමට අපට අයිතියක් ඇතැයි අපි සලකනු ලබන අතර ආක්රමණශීලී ක්රියාවන් උත්සන්න වුවහොත්, අපි තීරණාත්මකව මෙන්ම සමානරූපීව ප්රතිචාර දක්වන්නෙමු. රුසියාවට එරෙහිව තම හමුදා බලඇණි යොදා ගැනීමට සැලසුම් සකස් කරන රටවල පාලක ප්රභූන් මෙය බැරෑරුම් ලෙස සලකා බලන ලෙස මම අවධාරනය කරමි.
අවශ්ය නම් සහ පළිගැනීමේ පියවරක් ලෙස යුක්රේන භූමියේ ස්ථාන වලට ඔරෙෂ්නික් වැනි පද්ධති මගින් පහර දිය යුතු ඉලක්ක තෝරාගැනීමේදී, එම ප්රදේශවල වෙසෙන සිවිල් වැසියන්ට සහ මිත්ර රටවල පුරවැසියන්ට අනතුරුදායක කලාපවලින් ඉවත් වන ලෙස අපි කල්තියාම දැනුම් දෙන්නෙමු. මානුෂීය හේතූන් මත අපි එසේ කරනු ලබන්නෙමු. විවෘතව සහ ප්රසිද්ධියේ එවැනි තොරතුරු බෙදා හැරීමේදී මෙම තොරතුරු ඔවුන්ටද ලැබෙනු ඇති අතර සතුරාගෙන් එන ප්රති-ප්රහාරවලට බිය නොවී අපි එම තොරතුරු බෙදා ගන්නා බව අවධාරණය කරමු.
බිය නොවී යනුවෙන් අපි අවධාරණය කරන්නේ ඇයි? මක්නිසාද යත් යුක්රේනය හෝ ඔවුන්ට ආධාර අනුබල දෙන කිසිදු රටකට අප සතු එවැනි ආයුධවලට ප්රතිප්රහාර එල්ල කළ හැකි ක්රම නොමැති නිසාය.අප ඉලක්ක වලට පහර දෙන්නේ MACH 10 වේගයෙන් හෙවත් තත්පරයට කිලෝමීටර් 2.5ත් 3ත් අතර වේගයකින් ගමන් ගන්නා මිසයිල වලින් බව අවධාරණය කරමි. දැනට ලෝකයේ පවතින කිසිදු ගුවන් ආරක්ෂක පද්ධතියකට හෝ ඇමරිකානුවන් විසින් නිර්මාණය කර යුරෝපයේ ස්ථානගත කර ඇති මිසයිල ආරක්ෂණ පද්ධති වලට අප සතු එවැනි මිසයිල වලට බාධා කළ නොහැකියි. එනම් එය කළ නොහැක්කකි.
ජාත්යන්තර ආරක්ෂක පද්ධතිය විනාශ කළේ රුසියාව නොව එක්සත් ජනපදය බවත්, දිගටම සටන් කරමින්, ඔවුන් සතු ආධිපත්යයේ එල්බගෙන, ඔවුන් මුළු ලෝකයම ගෝලීය ගැටුමකට තල්ලු කරමින් සිටින බවත් නැවත වරක් අවධාරණය කරමි.
සාමකාමී මාර්ගයෙන් සියලු ආරවුල් විසඳා ගැනීමට අපි සැමවිටම කැමැත්තක් දක්වන අතර දැන් වුවත් එයට සූදානම් බව අවධාරණය කරමි. නමුත් ඕනෑම තත්වයකට අපි සූදානම් බවද දැඩිව අවධාරණය කරමු .
යමෙකුට අප පවසන දේ සම්බන්ධයෙන් තවමත් සැකයක් ඇත්තේ නම්, වරදක් නොකරන ලෙස අවවාද කරමු: අපි සෑම විටම සෑම දෙයටම ප්රතිචාර දක්වනු ඇත.
Putin outlines Moscow’s response to Ukraine escalation (FULL SPEECH)
සම්බන්ධිත පුවත් | Related News
ප්රධාන පුවත්
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..