1988 /89 කාලයේ දී ඝාතනය කළ දේශප්‍රේමීන් සිහිපත් කරමින් පවත්වන ඉල්මහ විරු සැමරුම 13 දා බොරැල්ල කනත්ත මං සන්ධියේදී

Nov 11, 2024 at 02:57 PM

|

Lanka Leader

1988 /89 කාලයේ දී ඝාතනය කරන ලද දේශප්‍රේමීන් සිහිපත් කරමින් පවත්වනු ලබන ඉල්මහ විරු සැමරුමක්  2024 නොවැම්බර් මස 13 වෙනි බදාදා පෙරවරු 10 ට බොරැල්ල කනත්ත  මං සන්ධියේදී පැවැත් වේ.

ඉල්මහ සමරු පදනමේ කැඳවුම්කරු අනුරාධ තෙන්නකෝන් මහතා විසින් මේ සම්බන්ධයෙන් නිකුත් කළ නිවේදනයක් පහතින් දැක්වේ.

මරා දැමූ ඉල්මහ විරුවන් සමරමු 

ජනතා විමුක්ති පෙරමුණ යනු මේ රටේ දේශපාලන වංශකතාවේ කිසිදා අකාමකා දැමිය නොහැකි අද්වීතිය දේශපාලන පරිච්ජේදයකි. 

1971 අරගලය වෙඩි උන්ඩයෙන් යකඩින් ගින්දරින් මර්දනය කර සිරගත කලද යලි ජනතා දේශපාලන ප්‍රවාහයකට 1978 න් පසුව අරඹා මේ රටට ජාතිකව හා ජාත්‍යන්තරව සතුරු කෙණෙහිලිකම් වලට එරෙහිව කොන්දේසි විරහිතව නොබියව පෙනිසිටියේ ජනතා විමුක්ති පෙරමුණ යි.

1983 ජවිපෙ තහනමත් සමග දේශපාලන ගමන්මග අඩපණ කරලීමට අන්ත දක්ෂිණාංශික කදවුර උත්සාහ කලද එම වියරුව පරාජය කරමින් කලාපීය හා ජාත්‍යන්තර සතුරුකම් වලට එරෙහිව නිර්ව්‍යාජ  දේශපාලන ව්‍යාපාරයක් ලෙස දේශප්‍රේමිත්වය ගොඩනැගුවේ ජවිපෙ බවට විවාදයක් නැත.

1988 /89 ජවිපෙ නිර්මාතෘ රෝහණ විජේවීරයන් ඇතුලු නායකත්වය සාහසික ලෙස ඝාතනය කලද කිසිදා යටපත් කල නොහැකි  දේශප්‍රේමි  දේශපාලන ව්‍යාපාරය ලෙස 1994 න් පසුව අද දක්වා ආ ගමන් මග සුවිශේෂී දේශපාලන කඩඉමක් බව අවිවාදිතය. 

වෙඩි උණ්ඩයෙන් යකඩින් ගින්දරින් යටපත් කරනු ලැබු ඉතිහාසයක් හිමි මව්බිමේ උස් නිදහස වෙනුවෙන් ජිවිත පූජා  කල රෝහණ විජේවීරයන් ඇතුලු 88 /89 ජ.වි.පෙ. සහෝදර සහෝදරියන් වෙනුවෙන් යුක්තියේ හා සාධරණත්වය ඉටුකරගැනිමේ කාලය එළඹ තිබේ ..

35 වෙනි ඉල්මහ විරු සමරුව එවන් වූ අප්‍රතිහත නොසිදෙන ධෛර්යයවන්ත ජීවගුණයක් සහිතව ජීවිත පූජා කල සහෝදර  සහෝදරියන්ට  යුක්තිය හා සාධරණත්වය ඉටු කරගැනීම  උදෙසා වන සැමරුමකි..

මේ ඒ සදහා ඔබට කරනු ලබන සහෝදරාත්මක විවෘත ආරාධනාවයි..!! 

2024 නොවැම්බර් මස 13 වෙනි බදාදා පෙරවරු 10 ට බොරැල්ල කනත්ත  මං සන්ධියේදී..

ස්තූතියි 

අනුරාධ තෙන්නකෝන් 

කැදවුම්කරු 

ඉල්මහ සමරු පදනම